काभ्रे मुद्रणको नेतृत्व खड्कालाई

बनेपा/काभे्रमा रहेको मुद्रण व्यवसायलाई व्यवस्थित साथै मजबुत पार्ने उद्देश्यका साथ गठन भएको काभे्र मुद्रण उद्योग संघको छैठौं साधारणसभा तथा तेस्रो जिल्ला अधिवेशन सम्पन्न भएको छ ।

शनिबार सम्पन्न अधिवेशनबाट जगन्नाथ खड्काको नेतृत्वमा नयाँ कार्यसमिति गठन भएको छ । जसको उपाध्यक्षमा खड्गबहादुर राउत, सचिवमा प्रेमबहादुर थापा, कोषाध्यक्षमा जयराम बञ्जारा निर्वाचित हुनुभएको छ । त्यसैगरि सदस्यहरुमा सर्वश्री अधिकारी, ऋषिराम सापकोटा, रामप्रसाद पौडेल निर्वाचित हुनुभएको छ ।

नेपाल मुद्रण उद्योग महासंघका अध्यक्ष पुस्कल गौतमको प्रमुख आतिथ्यतामा, संघका अध्यक्ष जगन्नाथ खड्काको सभापतित्वमा भएको कार्यक्रममा नेपाल मुद्रण उद्योग महासंघका पुर्व अध्यक्ष माधब के.सी., काभ्रे मुद्रण उद्योग संघका सल्लाहकार कौशलराज खड्का लगायतले काभे्र मुद्रण उद्योग संघका आवश्यकता र महत्वका बारेमा आ—आफ्नो धारणा राख्नुभएको थियो । कार्यक्रममा संघका सदस्य नवराज बजगाईले स्वागत मन्तव्य, संघका सचिव प्रेमबहादुर थापाले संस्थाको बार्षिक गतिविधि र संघका कोषाध्यक्ष खड्गबहादुर राउतले आर्थिक प्रतिवेदन प्रस्तुत गर्नुभएको थियो ।