पाँचखाललाई जिल्लाकै नमुना नगर बनाउंछौं- संजय

पाँचखाल÷पाँचखाल नगरका कार्यबाहक मेयर एवं प्रवक्ता संजय तामाङले पाँचखाल नगरलाई जिल्लामा भएको नगर मध्यकै नमुना नगर वनाउने बिषयमा नगरपालिका अगाडी बढेको बताउनु भयो । उहाँले थप्नुभयो पाँचखाललाई शिक्षा साथै कृषिको हबको रुपमा अगाडी बढाएर बेरोजगारीको अन्त्य गर्ने बिषयमा नगरका सम्पुर्ण जनप्रतीनिधिहरु एक ढिक्का भएर अगाडी बढेको बताउनुभयो ।

पाँचखाल नगरपालिकाले नगरबाट भएको उपलब्धीको बारेमा नगरवासिहरुलाई जानकारी गराउने उद्देश्यले गरेको सार्वजनिक सुनुवाई कार्यक्रमका प्रमुख अतिथि का.वा मेयर तामाङले उक्त धारणा राख्नुभएको थियो । उहाँले थप्नुभयो हाम्रो कार्यकालमा पाँचखालमा रहेको पानीको समस्या समाधान, आधुकि ढंगबाट कृषि गराईने र प्राबिधिक विश्वबिद्यालयहरु संञ्चालन गरी बेरोजगार युवाहरुलाई रोजगार दिलाउने बताउनु भयो ।

आ.व. २०७६÷०७७ को प्रथम चौमासिक समिक्षा एवं सार्वजनिक सुनुवाईको क्रममा पाँचखाल नगरका प्रमुश प्रशासयि अधिकृत लोकवहादुर भण्डारीले नगर मार्फत भएका प्रगति बिवरण प्रस्तुत गर्नुभएको थियो । उहाँले नगरवासिको हितको खातिर नगरपालिका दत्तचित्तका साथमा अगाडी बढेको बताउनु भयो ।

पाँचखाल वडा नं ९ का वडा अध्यक्ष किरण श्रेष्ठको सभापतित्वमा साठीघर भगवती स्वास्थ्य केन्द्रमा सम्पन्न भएको उक्त कार्यक्रममा नगरका शाखा अधिकृत राजेश बञ्जाराले चौमासिक प्रगति प्रस्तुतीकरण गर्नुभएको थियो । कार्यक्रममा शिक्षाको विषयमा शिक्षा शाखा प्रमुख दीनानाथ पन्थी, स्वास्थ्यको विषयमा उज्वल अधिकारी, पशु विकासको विषयमा दत्तप्रसाद गौतम, कृषिको विषयमा इश्वर अधिकारी, आर्थिकको विषयमा रामजी रायमाझी, राजस्वको विषयमा पुष्पमाया दनुवार, महिला विकासको विषयमा पुण्यदेवि श्रेष्ठ, सामाजिक सुरक्षाको विषयमा पदम दनुवारले आ—आफ्नो बिभागिय प्र्रगति विपरण प्रस्तुत गर्नुभएको थियो ।

सार्वजनिक सुनुवाई कार्यक्रममा बार्षिक बजेट, वित्तिय प्रगती, आन्तरिक आय, योजनाको प्रगति, न्यायिक सुनुवाई, सामाजिक सुरक्षा भत्ता, शिक्षक पदस्थापन, नगरका स्वास्थ्य क्षेत्रका ससर्त कार्यक्रम, कृषि विकास, पशुपंक्षि विकास, नगरपालिकाले गरेका महत्वपूर्ण सम्झौता तथा निर्णयहरु, पुननिर्माणका विषयमा छलफल भएको थियो ।

कार्यक्रममा वडा नं ३ का वडा अध्यक्ष सुन्दर अधिकारी, वडा नं १२ का वडा अध्यक्ष गोपाल दनुवार, वडा नं १३ का वडा अध्यक्ष सुकविर तामाङ, पाँचखाल उद्योग बाणिज्य संघका उपाध्यक्ष नविनप्रकास निरौला लगायतको उपस्थिति रहेको थियो ।