उद्यम विकासको प्रेरणाबाट समाज रुपान्तरणमा महत्वपूर्ण भूमिका खेलेको छ -बञ्जारा

पनौती/उद्यम विकास बचत तथा ऋण सहकारी संस्था लि. पनौती ७ काभ्रेको १३औं स्थापना दिवस प्रमुख अतिथि पनौती नगरपालिकाका उपप्रमुख गीता बञ्जाराको प्रमुख आतिथ्यतामा सोमबार सम्पन्न भएको छ ।

कार्यक्रममा प्रमुख अतिथि उपप्रमुख गिता बञ्जाराले महिलाहरु पनि पुरुषभन्दा कम नरहेको तथा थोरै पूँजीमा पनि सफल व्यवसायी बन्न सक्नेका साथै बचत समेत गर्ने भएको हुँदा महिला दिदीबहिनीहरुलाई अझ बढिभन्दा बढी उद्यमीझैं आत्मनिर्भर रही स्व–आर्जन गर्नमा समेत प्रेरित हुनको लागि सम्पूर्ण सम्मानित दिदीबहिनीहरुलाई धन्यवाद तथा शुभकामना व्यक्त गर्नुभएको थियो ।

विगतका वर्षहरुभन्दा फरक शैलीमा संस्थाका शेयर सदस्यहरु मध्ये ऋणको कारोबार गरी नियमित बचत तथा ऋणका साथै आफैं स्वयं उद्यमी भई उद्यम गर्नुहुने संस्थाका ६ जना महिलाहरुलाई उद्यमी महिला सम्मान २०७६ बाट सम्मानित गरी दोसल्ला प्रमाणपत्र तथा नगद रु. ३ हजारका दरले सम्मान पत्र वितरण गरिएको थियो । सो कार्यक्रममा सञ्चारकर्मी प्रदिप केसीले संस्थाले विगतका वर्षझैं यस पटक महिला उद्यमीहरुलाई सम्मान गर्दा ज्यादै खुशी लागेको व्यक्त गर्नुभएको थियो । त्यस्तै सहयोगी रोजगारदाता सेवा केन्द्र प्रमुख जुना केसीले संस्थाले दिन दुगुणा रात चौगुणा प्रगति गर्दै गइरहेको तथा महिलाहरु पनि समाजमा केही गर्न सक्छ भन्ने भाव व्यक्त गर्नुभएको थियो ।

उक्त कार्यक्रममा सम्मानित हुने व्यक्तिहरुमध्ये टिकारानी माया वाइबाले ०६४÷०६५ मा आफूले संस्थाको २० हजार ऋणको व्यवसायबाट आफू आज यो अवस्थामा सम्वृद्ध हुन सकेको अवस्थामा आभार व्यक्त गर्नुभएको थियो । जसको परिणाम उद्यम विकासले गर्दा आफैंले १२ जना व्यक्तिलाई रोजगारी दिन सफल भएको हुँदा उद्यम विकासप्रति आफूलाई गौरवको महसुस गरेको व्यक्त गर्नुभएको थियो ।
कार्यक्रम संस्थाका अध्यक्ष रोशनकुमार श्रेष्ठको अध्यक्षतामा उपाध्यक्ष सनिल सुन्दर सैंजूले स्वागत मन्तव्य व्यक्त गर्नुभएको थियो भने कार्यक्रम सञ्चालन संस्थाका सचिव ऋषिराम सापकोटाले गर्नुभएको थियो । कार्यक्रममा तपसिलका व्यक्तिहरुलाई सम्मान गरिएको थियो । दिपा श्रेष्ठ पिया, वसुनमाया बल, गोमादेवी बञ्जारा, दुर्गा परियार र सृजना तिमल्सिना रहनुभएको छ ।