काभे्रमा राजधानी बनाउने बिषयमा धेरै संघर्ष गरीयो -लम्साल

पाँचखाल/प्रदेस सांसद लक्ष्मण लम्सालले चिर्वाचनको समयमा आफुहरुले भने अनुसार काभे्रमा प्रदेश नं ३ को राजधानी बनाउन धेरै संघर्ष गरेको बताउनु भयो । “अन्तत हाम्रो संघर्षको केही लागेन, हेटौडा हुदैन भन्ने पक्षमा बहुमत थियो तर नेकपाको सचिवालयको निर्णय साथै प्रतीपक्षको भुमिका खेल्दै गरेको काँगे्रसले अशहयोगले गर्दा राजधानी हेटौंडामै भयो ।”सांसद लम्सालले थप्नुभयो ।

डोने (राईदनुवार) मैलिक हल्लेउ (माघे सक्राती) उपलक्ष्यमा आयोजित शुभकामना तथा वृहत सांस्कृतिक कार्यक्रमको उद्घाटन गर्दै सांसद लम्सालले उक्त धारणा राख्नुभएको थियो । कार्यक्रमका प्रमुख अतिथि लम्सालले थप्नुभयो प्रदेसमा रहेका ११० जना सांसद मध्य हेटौडाको विपक्षमा वहुमत तयार हुंदा पनि परिवन्धले गर्दा सफल हुन नसकेको बताउनु भयो । काभे्रमा रहेको सांसदहरुले जतीनै प्रयास गर्दापनि परिवन्धले गर्दा राजधानी हेटौडामै भयो ।

राजधानीको बिषयलाई लिएर हामी विरुद्ध विभिन्न भ्रम फैलाउन काम पनि नभएको होईन , तर वास्तविक शत्य कुरो लुक्दैन, त्यसको बिषयमा काभे्रली जनताले राम्रोसंग बुझेका छन् । हामी काभे्रलीले नचाहाँदा नचाहँदैपनि हेटौडा राजधानी भएको भन्ने बिषयमा राम्रोसंग बुझेका छन् काभे्रका जनताले । हामी अन्तिम समय सम्म धेरै लडेउ तर के गर्नु सफल हुन दिईएन । उहाँले भन्नुभयो “हामी सफल नभएको होईन, सफल हुन नदिएको हो ।”

कार्यक्रममा प्रमुख अतिथि लम्सालले इतिहासलाई राम्रोसंग चिन्न नसके टोल, गाँउ, संस्कृति मात्रै होईन राष्ट्रलाई जोगाउन समेत नसक्ने हुँदा ईतिहासको राम्रो मुल्याँकन गर्दै डोनेहरुले संस्कृतिको संरक्षण गर्नुपर्ने बताउनु भयो । नेपालको बिभिन्न १४ जिल्लामा छरिएर रहेका डोने (दनुवार) हरुले आफ्नो संस्कृती , भोसभुषाको संरक्षण गर्न एक जुट भएर अघि बड्नुपर्ने बताउनु भयो । संस्कृती जोगाउने नाउमा भड्कीलो तरिकाले पर्व मनाए जोगिने नभई लोपहुने खतरा बढ्ने भएकोले आफ्नो क्षमता अनुसार पर्व मनाउनु पर्ने बताउनु भयो । पाँचखालका डोनेका छोरा छारी पढ्ने विद्यालय भएको नाताले आजाद माध्यमिक विद्यालयलाई नमुना विद्यालय वनाउनको लागि आफुले पहल गरेको बताउंदै डोने समाजको नव निर्मित भवनको लागि सहयोग गर्ने बताउनु भयो । राजधानी काभे्रमा ल्याउन नसकेपनि समृद्ध काभे्रको लागि हामी लागिरहेका छौं, त्यसकालागी सम्पुर्ण जनताको साथ र सहयोग आवश्यक हुने बताउनु भयो ।

कार्यक्रममा पाँचखाल नगरपालिकाको उप—मेयर लक्ष्मी दनुवारले नेपालको प्रमुख पहिचान भनेको बिभिन्न प्रकारको सँस्कृति, बिभिन्न भेसभुष, बिभिन्न जाती साथै भिन्न भिन्न धर्म हो । जसमध्य डोने (दनुवार) हरुको पनि छुट्टै भेसभुषा र पहिचान रहेको बताउनु भयो । पछिल्लो समयमा डोनेको पहिचान हराउने खतरामा परेकोले संरक्षणको लागि गोलबद्ध हुदै छ त्यसको लागि आफुले सक्दो सहयोग गर्दै आएको र निरन्तर रुपमा लागिरहने बताउनु भयो । डोनेको पहिचान साथै संस्कृति संरक्षणको लागि नेपालका १४ जिल्लामा छरिएर रहेका डोनेहरुलाई समेटेर अगाडी बड्ने लक्ष लिएको बताउनु भयो । हामीले आफ्नो पहिचान कायम गर्न नसक्दा “दनुवार” भन्दा कुन दनुवार थारु दनुवार कि राई दनुवार भनि सोध्ने गरेको पिडा सुनाउँदै आफ्नो पहिचानको लागि संग्राहलयको व्यवस्था गर्नुपर्ने बताउनु भएको थियो । उहँले थप्नुभयो डोने समाजको भवन वनाउने कार्यको सुरुवात गरेका छौं, विस्तारै हाम्रो संस्कृति, भाषा, पहिचान संरक्षणको लागि अगाडी बढ्ने बताउनु भयो ।

आफ्नै डोने बचत तथा ऋण सहकारी संस्थाका अध्यक्ष कृष्ण डोनेको सभाध्यक्षतामा सम्पन्न उक्त कार्यक्रममा नेपाल डोने विकास समाजका अध्यक्ष राजन डोने, नेपाल डोने विकास समाजका सदस्य हरी वहादुर डोने, समाजसेवी शिमराज डोने लगाएतले आ—आफ्नो धारणा राख्नुभएको थियो । आफ्नै डोने बचत तथा ऋण सहकारी संस्थाका कर्जा प्रमुख शत्रुधन डोनेले स्वागत मन्तव्य राखी सुरुभएको उक्त कार्यक्रममा विभिन्न बिधामा उत्कृष्ट हुनेहरुलाई सम्मान गरेको थियो ।

सम्मानित हुनेहरुमा सार्क च्याम्पियन सिप कराते प्रतियोगितामा रजत पदक हासिल गर्न सफल चञ्चला हनुवार, कराते साहशिक व्यक्तित्व अशोक जंग दनुवार र हरिवहादुर दनुवार, कराते उत्कृष्ट व्यक्तित्वहरु गणेश दनुवार र रमेस दनुवारलाई सम्मान गरेको थियो । कार्यक्रम संञ्चालन नेपाल डोने विकास समाजका सचिव राजेश डोनेले गर्नुभएको थियो । कार्यक्रममा सिमल्टार साँस्कृतिक समुह, भिमटार साँस्कृतिक समुह, बकुलटार साँस्कृतिक समुह, पाँचखाल साँस्कृतिक समुह लगाएतले भाग लिनुभएको थियो ।