सवै स्थानीय तहमा क्यामारा सहित ट्राफिक सिग्नल

सुशील राज गिरी ,
धुलिखेल/काभे्र जिल्ला प्रहरीको आयोजनामा बिहीबार सामुदायीक प्रहरी साझेदारी कार्यक्रम अन्तरगत सडक सुशासन सम्बन्धि अन्तक्र्रिया तथा स्थानीय सरकार प्रमुखहरुलाई प्रशंसा–पत्र वितर कार्यक्रम सम्पन्न भएको छ ।

उक्त कार्यक्रममा जिल्लामा भएको सडक दुर्घटनाको अवस्था तथा सडक विस्तार कसरी गर्न सकिन्छ भन्ने विषयमा छलफल भएको थियो । काभ्रेमा भएको सडक दुर्घटनाको गत आर्थिक वर्ष तथा यस आर्थिक वर्षमा भएको बिवरण समेत कार्यक्रममा जिल्ला प्रहरी प्रमुख रवि कुमार पौडेलले प्रस्तुत गर्नुभएको थियो ।

क्रममा जिल्ला प्रहरी प्रमुख पौडेलले काभ्रे जिल्लामा भएको सडक दुर्घटनामा ०७३÷०७४ मा सडक दुर्घटनामा ६५ जनाको मृत्यु भएको जानकारी गराउनु भयो । त्यसैगरी ०७५÷०७६ मा सडक दुर्घटनामा परी ३७ जनाको मृत्यु भएको बताउनु भयो । सडक दुर्घटना न्युनीकरणको लागी के कस्ता कार्यक्रम प्रभाबकारी हुनेछ भनी भाबी योजना समेत प्रस्तुत गर्नु भएको थियो । प्रहरी प्रमुख पौडेलले सडकमा दुर्घटना बढ्नुमा काभ्रेमा ट्राफिक सिग्नलहरु नहुनु प्रमुख कारण रहेको बताउनु भयो । सर्बसाधरणले सडकमा ट्राफिक सिग्नलहरु नभएको कारणले जथाभावि बाटो काट्ने र जथाभावि सवारी साधनहरु पार्किङ गर्ने गर्नाले काभ्रेमा सबारी दुर्घटना बढेको ठोकुवा गर्नुभयो ।

कार्यक्रममा काभ्रे जिल्लामा भएको १३ वटा स्थानीय तहलाई नमुना सहर बनाउन र दुर्घटना न्युनीकरण गर्न बनेपा, पनौती ,धुलिखेल, पाँचखाल, भकुन्डे लगाएतको स्थानहरुमा सि सी क्यामारा, ट्राफिक सिग्नल, स्पीड कन्ट्रोल ¥र्याडर गन जस्ता प्रविधि सरोकारवाला सबै र स्थानीय सरकार को सहयोगमा व्यवस्था गर्ने बताउनुु भयो । काभ्रे प्रदेश तीनको नमुना जिल्ला बन्नेमा आफु आसाबादी रहेका प्रहरी प्रमुख पौडेलले बताउनु भयो । प्रविधिको बिकास सगै प्रयोग नगर्ने हो भने हाल रहेको जनसक्त्ती मा एक ट्राफिकले पैंतालीस कि.मी सडक सुरक्षा हेरीरहेकोले सरोकारवाला सबै र स्थानीय सरकार को सहयोगमा सडक दुर्घटना न्युनीकरण को लागि अपिल गर्नु भएको थियोे ।

कार्यक्रममा काभ्रे जिल्लामा भएको १३ वटा स्थानीय तहका जनप्रतिनिधीहरुलाई सामुदायीक प्रहरी साझेदारी कार्यक्रम अन्तरगत सडक सुशासन सम्बन्धि रहेर प्रहरीको सेवालाई थप प्रभाबकारी बनाउन सहयोग गरेको भन्दै प्रहरी महानिरीक्षकबाट प्राप्त प्रशंसा– पत्र जनप्रतिनिधीहरुलाई हस्तान्तरण गरीएको थियो । कार्यक्रममा जिल्ला समन्वय प्रमुख उद्दब केसी, प्रमुख जिल्ला अधिकारी श्रवण कुमार तिमल्सिना, जिल्ला प्रहरी कार्यलयका प्रमुख रवि कुमार पैडेल र पत्रकार महासंघ काभ्रेका अध्यक्ष्य मोतीराम तिमल्सिना लगाएत जिल्लाका १३ वटै स्थानीय तहका प्रमुख, उप–प्रमुखहरुको उपस्थित रहेको थियो ।