भगवती मन्दिरको लागि जग्गाखरिद गर्न सप्ताह

आर.एल.श्रेष्ठ
पलाञ्चोक/पाँचखाल नगरपालिका वडा नं ९ मा रहेको ऐतिहासिक पलाञ्चोक भगवती मन्दिरको हातामा रहेको जग्गा खरिद गर्नको आगामी चैत्र १८ गतेबाट सप्ताह लगाईने भएको छ ।

हाल मन्दिर दर्शन गर्न आउनेहरुले सवारी पार्कीङ्ग गर्दै आएको जग्गा व्यक्तिको भएकोले उक्त जग्गा खरिद गरी मन्दिरलाई थप व्यवस्थित गर्ने उद्देश्यले सप्ताहको आयोजना गरेको पत्रकार सम्मेलबाट जानकारी गराइएको छ ।

ऐतिहासिक मन्दिरकोे उत्तर पुर्वमा रहेको जग्गा व्यक्तिको भएकोले सो जग्गा खरिद नगर्दा मन्दिर दर्शनको लागि आउने भक्तजनहरुको सवारी साधन पार्क गर्ने ठाउंको अभाव हुनेभएकोले जग्गा खरिद गर्न लागेको सप्ताह मुल आयोजक समितिका संयोजक एवं पाँचखाल वडा नं ९ का वडा अध्यक्ष किरण श्रेष्ठले जानकारी गराउनु भयो ।

वडा अध्यक्ष श्रेष्ठका अनुसार मन्दिरमा आउने भक्तजनहरुको सुबिधा साथै मंन्दिरको सौन्दर्यताको लागि सो जग्गाको आवश्यक हुने र खरिद गर्नको लागि अन्य स्रोत नभएकोले सप्ताहको आयोजना गरेको बताउनु भयो । मन्दिरलाई आवश्यक पर्ने जग्गा ७ रोपनि भएकोले सो खरिदको लागी ३ करोड ५० लाख रकमको आवश्यक हुने हुँदा सप्ताह लगाउनुको विकल्प नरहेको वताउनु भयो ।

पत्रकार सम्मेलनमा पाँचखाल नगरका प्रमुख (मेयर) एवं मंदिरको संरक्षक महेश खरेलले पलाञ्चोक भगवती नेपालकैै सवै भन्दा महत्वपुर्ण शक्ति पिठ रहेको बताउनु भयो । उहाँले भन्नुभयो त्यस्तो महत्वपुर्ण शक्ति पिठको उत्तर पुर्वमा रहेको जग्गा व्यक्तिको नाउमा रहेकोले खरिद गर्नुपर्ने भएको बताउनु भयो । व्यक्तिकै भएपनि हाल सम्म मन्दिरमा आउने भक्तजनहरुको सुबिधाकको लागि सवारी पार्किङ्ग गर्दै आएको जग्गा खरिदको लागि सप्ताहको आयोजना गर्न लागेको बताउनु भयो ।

कार्यक्रममा नगर प्रमुख खरेलले भन्नुभयो हाल खरिद गर्न लागेको जग्गाको स्थानिय मुल्ये न्युनतम मुल्य प्रति आना १० लाख देखि १४ लाख सम्म रहेपनि जग्गावालाहरुले मन्दिरको लागि प्रतिआना ३ लाखमा जग्गा उपलब्ध गराउने सहमति भएको बताउनु भयो । मंन्दिरको नाउमा हाल १७ रोपनि जग्गा भएपनि मंन्दिर हातामा ५ रोपनि मात्रै भएकोले मन्दिरको थप व्यवस्थापनको लागि जग्गाको आवश्यक भएको बताउनु भयो । पलाञ्चोक भगवतिको नाउमा दान गर्नु सवै भन्दा उत्तम भएकोले सप्ताहमा दान गर्ने दानविरहरुको दानबाट जग्गा खरिद गरी थप व्यवस्थापन गर्ने वताउंदै पत्रकार सम्मेलनकै क्रममा उहाँले १ लाख ८ हजार दान गर्ने बताउंदै त्यसमा थप गर्ने संभावना समेत रहेको बताउनु भयो ।

हाल सम्म मंन्दिरको बिभिन्न कोषमा गरी ४० लाख रकम रहेको र पाँचखाल नगरपालिकाले ३० लाख उपलब्ध गराउने तयारी गरेको जानकारी प्राप्त भएको छ । सप्ताहको आयोजना गरी ५ करोड संकलन गर्ने लक्ष लिएर मुल आयोजक समिति अगाडी बढेको छ । जग्गा खरिद विक्रिको लागि जग्गावालाहरुसंग सहमति भएपछि वैना बापत १० लाख रकम जग्गावालालाई दिएको पत्रकार सम्मेलनमा जानकारी गराईएको छ ।
कार्यक्रममा सामाजिक अभियन्ता रामशरण रेग्मिले पाँचखाल नगरको १३ वटै वडाका वासिन्दाले सप्ताहको आयोजना गरी मन्दिरको लागि अति आवश्यक जग्गा खरिदको लागि सप्ताहको आयोजना गर्नुपर्ने सुझावको आधारमा अगिबढेको बताउनु भयो । पलाञ्चोक भगवति पाँचखाल नगरको मात्रै गहना नभई मुलुककै गहना भएकोले यस्तो महत्वपुर्ण मंन्दिरको संरक्षण,व्यवस्थापनको लागि सवै नेपालीबाट साथ मिल्ने बताउनु भयो । मंन्दिरको लागि आवश्यक जग्गाको लागि जग्गावालाहरुले ठुलो त्याग गरेको वताउंदै यस्तो महत्वपुर्ण कार्यमा चन्दा दिने अवसर रहेको बताउनु भयो ।

राजाराम पौडेल द्वारा सञ्चालित उक्त कार्यक्रममा सामाजिक अभियन्ता गोरे बहादुर थापा, नेपाली काँगे्रस पाँचखाल नगर समिति सभापति गणेश अधिकारी लगाएतले सप्ताह सहज ढंगबाट सम्पन्न गर्नको लागि आ—आफ्नो स्थानबाट सक्दो सहयोग हुने बताउनु भएको थियो ।