उदाहरणीय व्यक्तित्व सर्वश्री

केहि बर्ष यता युवाहरुको रुचि सामाजिक कार्यमा बढ्दो क्रममा देखिन्छ । बिभिन्न माध्यमबाट देशको भलाइ र जनताको खुशीका लागिपर्ने थुप्रै संघसंस्था तथा व्यक्तित्वहरु छन् । यस्ता कार्यमा युवाहरुको रुचि बढ्नु एक सकरात्मक बाटो पनि हो । बिभिन्न संघसंस्था, एनजिओ, आइएनजिओ र फेसबुक ग्रुपहरु एकदमै अग्रसर भएको देखिन्छ । यस्तै सामाजिक सञ्जाल मार्फत आफ्नो सामाजिक कार्यको यात्रा सुरु गरेकि एक उदाहरणिय व्यक्तित्व हुन सर्बश्री अधिकारी ।

सानैदेखि हक्कि स्वभावकी सर्बश्री धेरै पहिले देखि मानिसदेखि पशुपंक्षीलाई सेवा र सहयोग गर्दै आएकी छन् । नेपालमा कपडा बैकको परिकल्पना कार सर्बश्रीले १०० एस ग्रुपका भाईहरु शीत सहकार्य गरेर नेपालको धेरै ठाउँमा निःशुल्क कपडा लेनदेन कार्यलाई अगाडि बढाएकी छिन् । उनी भन्छिन्, म मिडियामा यो कपडा बैकबाट सार्वजनिक भएकी हँु । उनले ह्याप्पी फेमिलीको टिममा सहकार्य गरेर फेसबुकको माध्यमबाट अभियान चलाएर प्रत्यक्ष रुपमा आफ्नो यात्रा सुरु गरिन् ।

देश र देशवासी विपदमा हुँदा उनले थुप्रै उदाहरणिय कामहरु गरेकी छिन् । त्यसपछि पनि सामाजिक सञ्जाल फेसबुकबाट समाजसेवामा रुचि भएकाहरुलाई एकबद्ध बनाएर आफ्नो अभियानलाई निरन्तरता दिइरहेकी छिन् । काभ्रेमा काभ्रेकी एकल अभियान्ता बनेर काभ्रेमा मात्रै होइन उनी देशका पिछडिएका बिभिन्न ठाउँहरुमा पुगिन् र त्यहाँको जिवनशैली, दुःख पिडा र अभावको अवलोकन समेत गरिन् । जहाँ जे कुराको आवश्यकता थियो त्यहि सम्बन्धी अभियान चलाइ सहयोग उठाएर जिवन जिउने सहज वातावरण सिर्जना गर्ने मुख्य भुमिका सिर्जना गरिरहेकी छिन् । उनको मनमा मान्छे मात्रै होइन जनावर पशुपंक्षीप्रति पनि धेरै माया छ ।

आफ्नो टोलका कुकुरहरुलाई खाना दिँदा धेरैले उनलाई यो त कुकुर पाल्ने मान्छे कुकुर हो भन्छन् भने हाँस्दै भनिन् । उनी भन्छिन् मान्छेको आफ्ना हुन्छन्, मान्छेले त बोल्न सक्छ तर यी जनावर, पशुपंक्षी बोल्न सक्दैनन्, यिनिहरुको कोहि आफ्नो हुँदैन । हामीले यिनिहरुलाई माया गर्नुपर्छ । जन्मथलो काठमाडौबाट २०५४ सालमा काभ्रेमा कर्मथलो रोजेकी सर्बश्रीले बिगतका जिवनमा धेरै संघर्ष गरेको बताउँछिन् । अहिले उनी काभ्रेमा सर्बश्री क्वालिटि प्रिन्टर्स नामले परिचित प्रेस आफ्नै उद्योगमा ९ जनालाई रोजगारी दिएकी छिन् । जसमा तीन जना बोल्न र सुन्न नसक्ने पनि छन् । सामाजिक सञ्जाल मार्फत पनि देश र जनताको आँशु पुच्ने हात बन्न सकिन्छ भन्ने एक उदाहरणिय ब्यक्तित्व उनी पनि हुन् र साथै युवाहरुले देश र जनता हकहितको लागि आफ्नो ठाउँबाट सक्ने पाइलाहरु लम्काउन जरुरी छ र आउने दिनहरुमा अझै यस्तै सकरात्मक कार्यक्रमहरु ल्याएर आउने छु, यहाँहरुको साथ, सहयोग र माया सदैव रहिरहोस् भन्ने आशा समेत व्यक्त गरिन् ।