सडकमा छरप्रष्ट रहेका भोका पेटहरुलाई केही राहत दिँदै सर्वश्री

आजकाल एकाएक बत्तीका पोलहरुमा साना साना बोतल काटिएर कप जसरी पानी भरिएर राखिएको छ सँगै केही खानेकुराहरु पनि राखिएको छ । जो कोहि अलमलमा पर्छ, यो कसले कसका लागि ग¥यो होला भनेर एकपटक झोक्रिन करै लाग्छ । जसको यो पंक्तिकार म आफू पनि कसले यसो गरेछ भनेर कौतुहलतामा रुमलिन पुगिन् । जब त्यहाँ टाँसिएको पोस्टर हेरें त्यसपछि कसका लागि भन्ने चासोको विषय रहेन तर कसले ग¥यो यो पुण्य काम भन्ने कौतुहलता भने मडारिरह्यो । जसको समाधान सामाजिक रुपान्तरणका अभियान्ताको रुपमा परिचित काभ्रेकी एक मात्र सामाजिक अभियान्ता सर्वश्री अधिकारीसँग जम्काभेट भयो तब सबै कौतुहलताहरु मेटिए ।

“मानिसको मन कस्तो हुन्छ ! कसैले अड्कल काट्न सक्दैन ।” लकडाउनको समयमा कसैलाई केही धन्दा तर सामाजिक अभियान्ता सर्वश्रीलाई सडकमा छोडिएका पशुपंक्षीले के खाए होलान् भन्ने चिन्ताले सताइरह्यो । जसको कारण लकडाउनको पहिलो दिन देखिनै सर्बश्री अधिकारीलाई सडक पेटिका पशुपंछि हरु भोकै हुने कुराले पिरोलिरह्यो । उहाँको चिन्ता धेरैबेर अडिएन । केही समयपश्चात् “तँ चिता म पु¥याउँछु” भनेझैं उहाँले प्रोजेक्ट डग फिडिङगका रोहित श्रेष्ठसँग भेट हुन पुग्छ । “के खोज्छस् काना आँखो” भनेझैं उनका ती पिरोलिएका मनहरुमा एकाएक मलमपट्टि लाग्न पुग्छन् । प्रोजेक्ट डग फिडिङको पनि उद्देश्य एउटै हुन्छ । जसबाट उहाँहरु सहकार्यका लागि तयार हुन्छन् । सोही दिनदेखि ति भोका पशुपंक्षीहरुलाई दाना पानी दिँदै हिँडिरहनुभएको छ ।

बिश्वब्यापी रुपमा महामारीको प्रकोप लिएको कोरोना भाइरसको कारण ति पशुपंक्षीहरु मर्ने अवस्थामा पुगिसकेका थिए भन्दा पनि हुन्छ तर सर्वश्रीको प्रयासले ति पशुपंक्षीले पुनजीवन पाउने आशा पलाएको छ । जसमा सारथीको रुपमा आएका छन् रोहित श्रेष्ठ । जसले ती सहयोगी मनहरुमा उर्जा थप्ने काम गरेको छ । यसबाट जो कोहिलाई पनि एकपटक सोच्न करै लाग्छ । उहाँको अभियानमा मानव मात्र नभएर पशुपंक्षीको लागि पनि उतिकै समर्पित भएको यो क्रियाकलापले पुष्टि गर्दछ । उक्त कार्यलाई बनेपाका केही बेकरीहरुले पनि सहयोग गर्नुभएको सर्वश्रीले बताउनुभएको छ ।