संकटमा भूमिकाविहिन रेडक्रस

बनेपा/मानवीय क्षेत्रमा समर्पित हुनुपर्ने रेडक्रसका पदाधिकारीहरु अहिले भूमिकाविहिन भएर बस्नु परिरहेको तथ्य नेपाल रेडक्रस सोसाइटी काभ्रे शाखामा देख्न पाइन्छ । यसैबीच नेपाल रेडक्रस सोसाइटी केन्द्रीय कार्यालयले कार्य सम्पादन गर्न भनी कार्यालय प्रमुख त्रिरत्न राजबाहकलाई पत्राचार गरिएको छ । जसबाट मौजुदा समिति भूमिकाविहिन बन्न विवश भएको छ ।

रेडक्रससँग जानकार राख्नेहरुको भनाई छ, नेपाल रेडक्रस सोसाइटी काभ्रे शाखा विधिवत् रुपमै तदर्थ समितिमा झरेको पुष्टि भएको बताउँछन् । आफ्नो परिचय नखुलाउने सर्तमा रेडक्रसकर्मी भन्दछन्, १३ सदस्य तदर्थ समिति बन्दैछ । सहमतिअनुसार संयोजक लिनेले ६ सदस्य र संयोजक नलिनेले ७ सदस्य कायम गर्ने सम्झौता भएको अपुष्ट रुपमा बताएका छन् ।

यसैबीच नेपाल रेडक्रस सोसाइटी काभ्रे शाखाका कार्यालय प्रमुखले कर्मचारी बिचमा बैठक बसी केन्द्रको पत्रको बारेमा जानकारी गराउनुको साथै आ–आफ्नो भूमिकाको बारेमा समेत अवगत गराएको बताउनुभएको छ । साथै जिल्लामा क्रियाशील रहेका उपशाखाहरुले कोभिड १९ का विरुद्ध कुन–कुन शाखाले के–के क्रियाकलापहरु गरे, त्यसको तथ्यांक संकलन गर्ने काम पनि यो बिचमा गरिएको बताउनुभएको छ ।
नेपाल रेडक्रस सोसाइटी काभ्रेद्वारा जारी सूचनाअनुसार तपसिलका क्रियाकलापहरु भएको बताएको छ । जसअनुसार तपसिल बमोजिम रहेको बताएको छ ।
गतिविधि गरिएको स्थान वितरण गरिएको सामाग्री

जनचेतना मुलक सन्देश काभ्रे जिल्लाको ७ वटा स्थानिय एफ.एम र सिन्धुपाल्चोक को सिन्धु एफ.एम गरी जम्मा ८ वटा
१) रेडियो ए.बि.सी २) रेडियो नमोबुद्ध एफ.एम ३) प्राइम एफ .एम ४) रेडियो गौरव ५) मनोरञ्जन एफ.एम ६) रेडियो सेफर ७) रोशी एफ.एम ८) रेडियो सिन्धु एफ एम
प्रचार प्रसार बनेपा न.पा मण्डनदेउपुर न.पा र अन्य स्थानिय निकायहरुमा नोभेल कोरोना भाइरस सम्बन्धि पर्चा र स्टीकर
हेल्थ डेक्स स्थापना गर्न महाभारत गा.पा.मा साउदी टेण्ट १ थान
क्वाराइनटाइन्टको लागि महाभारत गा.पा.मा कम्बल २५ थान र बाल्टीन १० थान
हेल्थ डेक्स स्थापना गर्न बेथानचोक गा.पा मा साउदी टेण्ट १ थान
हातधुने स्टेशनको लागि सामाग्री वितरण २९ वटा उप शाखाहरुलाई बाल्टीन १ थान र साबुन ५ वटाको दरले
क्वाराइनटाइन्टको लागि धुलिखेल सञ्जीवनी उ.मा.वि.मा धुलिखेल कम्बल २२ थान
बाल्टीन १० थान
साबुन १० वटा
साबुन राख्ने बा १० थान
सुपानेट झुल १० वटा
क्वाराइनटाइन्टको लागि नेपाल रेडक्रस राष्ट्रिय तालिम केन्द्र बनेपा बुडोल जिल्ला शाखाको समन्वयमा शिर मेमोरिल अस्पतालबाट एम्बुलेन्स १ थान
बेड ४ थान
अपाड्ड अस्पतालबाट बेड ५ थान
स्पाइनर इन्जुरी अस्पताल भैसिपाटी बाट १ थान बेड