व्यवसायीद्वारा सरकारसमक्ष ज्ञापन पत्र

गंगा लामा
धुलिखेल/धुलिखेल उद्योग वाणिज्य संघद्वारा नेपाल सरकार समक्ष ज्ञापन पत्र बुझाएको छ । मंगलबार एक समारोहको बिच प्रमुख जिल्ला अधिकारी मार्फत् प्रधानमन्त्री समक्ष ज्ञापन पत्र बुझाइएको धुलिखेल उद्योग वाणिज्य संघका अध्यक्ष मञ्जुकुमार कोजुले बताउनुभएको छ ।

कोभिड–१९ का कारण जिल्लामा सञ्चालित उद्योग व्यवसायहरु धराशयी बन्दै गएको भन्दै १६ बुँदासहितको ज्ञापन पत्र बुझाएको हो । ज्ञापन पत्रमा उल्लेख भएअनुसार लकडाउन अवधिभरको बैंकको ब्याजमा मिनाह र साँवाको भाका कम्तीमा पनि ३ वर्षको थप गर्नका लागि आग्रह गरिएको छ । त्यसैगरी आसन्न नीति तथा कार्यक्रमभित्र व्यवसायीहरुका समस्याहरुलाई सम्बोधन गर्नको लागि प्रमुख जिल्ला अधिकारी मार्फत् प्रधानमन्त्री समक्ष माग गरिएको छ । धुलिखेल उद्योग वाणिज्य संघले यो विपद्को घडिमा व्यवसायीहरुको समस्याहरु मनन गर्दै के गर्दा सहज स्थिति सिर्जना गर्न सकिन्छ, सोही बमोजिम समर्पित हुने आशय ज्ञापन पत्रमा उल्लेख गरेको छ ।

सो ज्ञापन पत्र बुझ्दै प्रमुख जिल्ला अधिकारी श्रवणकुमार तिमल्सिनाले आफूले सम्बन्धित निकायसम्म व्यवसायीहरुका समस्या पु¥याउने र सानातिना सम्बोधन गर्न सकिने समस्याहरुलाई जिल्लाबाटै समाधान गरिने समेत बताउनुभएको थियो । उक्त ज्ञापन पत्र बुझाउने क्रममा धुलिखेल उद्योग वाणिज्य संघसँग आबद्ध पर्यटन व्यवसायी, उद्यमी लगायत कार्यसमितिको उपस्थित रहेको थियो ।