थोकरको पहलमा खाद्यान्न वितरण

सुशिलराज गिरी
तेमाल/कलाकार, तामाङ चलचित्र संघका केन्द्रीय अध्यक्ष एवं सामाजिक अभियन्ता विकु थोकरले तामाङको पहलमा तेमाल गाउँपालिका वडा नं. ९ चोपाटारमा ९५ घरपरिवारलाई खाद्यान्न लगायत आवश्यक सामग्री वितरण गरिएको बताइएको छ ।

कोरोना भाइरसका कारण लामो समयदेखि सुरु भएको लकडाउनले गर्दा दैनिक ज्यालादारी गर्ने, विपन्न, श्रमिक घरपरिवारमा समस्या सिर्जना भएपश्चात् उनीहरुलाई लक्षित गरी सहयोग उपलब्ध गराएको कलाकार बिकु थोकरले बताएका छन् ।
उक्त राहत सामग्रीमा प्रति परिवार १ बोरा चामल, १ केजि मस्यौरा, २ केजि दाल, १ केजि नुन, १ लिटर तेल लगायतका खाद्यान्न रहेको बताइएको छ । खाद्यान्न सामग्री युवा व्यवसायी तथा समाजसेवी रोशन थोकरले उपलब्ध गराएको थियो भने राष्ट्रिय खेलाडी सागर घिसिङ, युवा व्यवसायी सरोज तामाङ, हरि श्रेष्ठ, संचारकर्मी एवं अभियन्ता सुदिन दोङ तामाङको विशेष सहयोग रहेको थोकरले जानकारी दिएका छन् ।