घरेलु कार्यालयप्रति कृषक तथा साना व्यवसायीहरुको आकर्षण

धुलिखेल/घरेलु कार्यालयका बारेमा केही प्रश्न ग¥यो भने एकताका नाक खुम्च्याउनेको लर्काे नै लाग्थ्यो तर समय सँगसँगै नेतृत्व परिवर्तन भएपश्चात् पछिल्लो समय जिल्ला घरेलु कार्यालय कृषक तथा व्यवसायीहरुको लागि आकर्षकको केन्द्रबिन्दु बन्न पुगेको देखिन्छ । सीप सिक्नेदेखि आय आर्जनको क्षेत्रमा केही गर्छु भनेर जानेहरु खाली हात फर्किनु पर्दैन भन्छन् अधिकांश कृषक तथा साना व्यवसायी ।

अपरझट कार्यालय परिसरमा भेटिएका कृषक हरिप्रसाद हुमागाईं मुलुकको ढाँचा परिवर्तनसँगै जिल्ला घरेलु कार्यालयले कुशल नेतृत्व पाएको महसुस भएको छ भन्दै कृषक हुमागाईं थप्छन्– बल्ल नाम अनुरुपको काम भएको आभाष जिल्ला घरेलु कार्यालयले दिएको छ । यो मैले मात्र भनेको होइन, काभ्रेका हजारौं कृषक तथा साना व्यवसायीहरुको भावना बोलिदिएको हुँ । सक्षम नेतृत्व र असक्षम नेतृत्वबीच यति ठूलो अन्तर हुँदो रहेछ भन्ने पुष्टि यो नेतृत्वले दिएको छ । अतितका नेतृत्व सधैं ललहरि गाउँदै ठिक्क थिए । बजेट छैन, यो छैन, त्यो छैन आदि आदि बहानामै भुलाए तर अहिलेका कार्यालय प्रमुखको मुखबाट हुँदैन, छैन र बजेटको कुनै शब्द नै सुन्नु परेको छैन । मात्रै रोजगारीको चाहना हुनुप¥यो !

सीप सिक्नुहुन्छ, रोजगार सिर्जना गर्नुहुन्छ, के छ चाहना ? बेरोजगार नबस्नुस् । तपाईंलाई कार्यालयले सहयोग गर्न कुनै कञ्जुस्याईं गर्ने छैन । जिल्ला घरेलु कार्यालय केही गर्छु भन्नेहरुका लागि खुल्ला किताब हो । प्रत्येक केही गरौं भन्ने जनहरुले पढ्न सक्नुहुनेछ भन्नुहुन्छ कार्यालय प्रमुख केशवप्रसाद पुडासैनी ।

यो कार्यालयले नै बेरोजगार अन्त्य गर्ने उद्देश्यले स्थापना भएको हो । यसको महत्व समाज समक्ष प्रष्ट्याउन नसक्नु तत्कालिन नेतृत्वको कमी कमजोरी होला । यो मुलुकबाट बेरोजगार अन्त्य गर्छ भने साना उद्योगले गर्छ । त्यसैले पनि जिल्ला घरेलु उद्योग तर्फ नागरिकको ध्यान आकर्षित गर्नु प्रत्येक सचेत मनहरुको दायित्व हुन्छ भन्ने जिकिर कार्यालय प्रमुख पुडासैनीको छ । अतितमा के भए, के भएनन्, तर मेरो कार्यकालमा यस कार्यालयलाई चुस्त दुरुस्त गुणस्तरीय सेवामा कुनै कमी आउन दिने छैन । कार्यालय प्रवेश गरेको १ घण्टाभित्र सेवा दिएर सेवाग्राहीलाई फर्काउने लक्ष्य सहित सेवामा समर्पित हुँदै आइरहेका छौं । १ वर्षको अनुभवले पनि त्यो उद्देश्य प्राप्ति गरेको पुष्टि भएको छ । कार्यालयभित्र १ घण्टा बस्दाको अवधिमा समेत फ्रि वाइफाइ समेत रोजगार सम्बन्धी काउन्सिलिङको व्यवस्था गरेका छौं ।

कार्यालयको उद्देश्य छ, प्रत्येक बेरोजगारहरु कार्यालयबाट निस्किँदा मन्द मुस्कानसहित पाइला अगाडि बढाउने अठोटका साथ जानेछन् भन्ने अपेक्षा अनुरुप नै काम गरेका छौं । यो मेरो प्रण भो । पारदर्शी ढंगबाट सेवा दिएको अनुभूति गराउन सकियो भने त्यही नै ठूलो उपलब्धी मान्नुपर्छ । जिल्ला घरेलु कार्यालय त्यसैमा दत्तचित्त भई लागिपरेको छ । यो सबैको श्रेय यस कार्यालयसँग सम्बन्धित रहेका सम्पूर्ण कर्मचारी मित्रहरुसम्म जान्छ । जिल्ला घरेलु कार्यालय अनेकतामा एकताले नै शिखर चुम्छ भन्ने उदाहरण बनिरहेको दाबी कार्यालय प्रमुख पुडासैनीको छ ।
उक्त अभिव्यक्ति गत बिहीबार सेती देवी कृषि फार्म एवं पशुपालन तथा तरकारी खेतीलाई हाते ट्याक्टर हस्तान्तरण गर्ने क्रममा व्यक्त भएका हुन् ।