सारथी साँच्चै सारथी भएर आउनेमा ढुक्क छौं

गंगा लामा
धुलिखेल/पारस्परिक जवाफदेहिता स्थानीय पहल परियोजनाका बारेमा आयोजित छलफल कार्यक्रमका सहभागीहरुको एउटै स्वर थियो, सामुदायिक सारथी यथार्थमै सारथी भएर समाजमा देखिने इच्छा व्यक्त गरेका थिए ।

डिसेम्बरसम्मको परियोजना खर्च र भावी कार्यक्रम एवं उपलब्धीका बारेमा छलफल गर्नका लागि भेला भएका जिल्लामा क्रियाशील संघ संस्था, सञ्चारकर्मीहरु सबैका जिज्ञासाहरुलाई मेटाउने क्रममा हेड नेटवर्कका अध्यक्ष एवं जिल्ला बार एशोसियन काभ्रेका सचिव मधुसुधन वाग्लेले नामका लागि मात्र नभई केही गर्नका लागि संघ संस्थाको आवश्यकता महसुस होस् । जसको महत्वपूर्ण भूमिका सारथीले निभाइरहेको छ । मुलुक अहिले चरम संकटमा छ, यो बेला प्रत्येक संघ संस्थाको उपस्थिति दह्रो रुपमा देखाउन आवश्यक छ । कोभिड–१९ पछिको यो प्राकृतिक विपत्लाई कसरी सम्बोधन गर्न सकिन्छ, त्यसतर्फ आकर्षित हुनु नै बुद्धिमानी हुने ठहर वाग्लेको थियो ।

कार्यक्रममा संस्थाका अध्यक्ष अधिवक्ता कृष्णप्यारी नकर्मीले संस्थाले आजका दिनसम्म खेलेको भूमिका र यसबाट प्राप्त उपलब्धीका बारेमा चर्चा गर्दै कोभिड–१९ ले छियाछिया पारेको घाउमा प्राकृतिक विपत्ले नुनचुक लगाउने काम गरेको छ । यो संगीन अवस्थामा स्थानीय तहसँग सहकार्य गर्दै समस्या समाधानमा हातेमालो गरेर अगाडि बढ्नु नै संस्थाको महत्वपूर्ण भूमिका रहने धारणा राख्नुभएको थियो । कार्यक्रममा काभ्रेली सञ्चारकर्मीहरुको बाक्लो उपस्थिति रहेको थियो । कार्यक्रमको सञ्चालन परियोजना जिल्ला अधिकृत भेषराज दनुवारले गर्नुभएको थियो भने कार्यक्रमले वार्षिक परियोजनाको खर्च लगायतका उपलब्धीहरुलाई बुँदागत रुपमा तपसिल बमोजिम प्रस्तुत गरेको थियो ।

जसअन्तर्गत वार्षिक परियोजना खर्च काभ्रे जिल्लाका लागि तीन लाख पचास हजार विनियोजन गरी परियोजना सञ्चालन गर्ने उल्लेख छ । सो अन्तर्गत स्थानीय सभामा पनौति नगरपालिका वडा न. १ रयाले, रोशी स्थानिय सभा रोशी गाउँपालिका वडा नं. ५ सिसाखानी ढोकर्पा, हातेमालो रेडियो श्रोता समूह पनौति नगरपालिका वडा नं १२ कलाति भूमेडाडा, रेडियो रोशीश्रोता समुह रोशी गाउपालिका वडा नं ७ साझेदारी मञ्च, पनौति नगरपालिका र रोशी गाउँपालिकाका साथै जिल्ला नागरिक समाज सञ्जाल हेड नेटवर्कमार्फत् क्रियाकलापहरु चल्नेछन् ।