व्यक्तिगत लगानीमा गाउँपालिका अध्यक्षको हस्तक्षेप

रमन वन
खोटाङ/व्यक्तिगत रुपमा लगानी गरेर खरिद गरेको विद्युत्का पोलहरुमा गाउँपालिका अध्यक्षले हस्तक्षेप गरेका छन् ।
वर्षौदेखि विद्युत पोल अभाबमा अध्यारोमा परेका गाउँलाई उज्यालो बनाउन व्यक्तिगत पहलमा किनेर लैजादै गरेका १ सय ५० थान पोल प्रशासनसँगको मिलेमतोमा नेचा सल्यान गाउँपालिका अध्यक्ष डुफकुमार बास्तोलासहितको समूहले लुटेर आफूखुसी बाड्न लागेपछि व्यक्तिगत सम्पत्ति अहिले जुन अबस्थामा छ त्यहि अबस्थामा राखी पाउँ भनी कांग्रेस नेता केसीले गत आइतबार दायर गरेको मुद्धाको सुनुवाई गर्दै सर्बोच्चले अन्तरिम आदेश जारी गरेको थियो ।
गाउँपालिकाको पत्रका आधारमा पछिल्लो समय गत भदौ ४ गते प्रहरी प्रशासन, जिल्ला प्रशासन कार्यालय, गाउँपालिका कार्यालयसमेत मिली नेकपा कार्यकर्ताको मिलेमतोमा गाउँपालिका अध्यक्ष डुफकुमार बास्तोलाको अगुवाईमा कार्यालयले बिभिन्न व्यक्ति तथा निकायलाई रोहबरमा पोल बितरण गर्ने निर्णय गरेपछि आफूले लिखित वा मौखिक रुपमा ती पोल कसैलाई पनि प्रयोग गर्न अनुमति नदिएकोले सो निर्णय बदर गरी पाउँ भनी गा.पा. अध्यक्ष ४ असोजमा सर्बोच्चमा हाजिर भएका थिए ।
नेता केसीले गाउपालिका र प्रहरी प्रशासनको मिलेमतोमा सामान कहाँ राखिएको छ र ती सामान आफ्नो सहमति बिना कसैलाई नदिनु भन्दै परमादेश जारी गरी पाउँ भनी निबेदन दिएका थिए । गाउँहरु अध्यारो भएपछि २०७४ मंसिर ८ गते नेपाल यन्त्रशाला इनर्जी नामक कम्पनीसँग निजी पहलमा विद्युत पोल खरिद गरेर केसीले सदरमुकाम सल्लेरीमा राखेका थिए ।
पछिल्लो समय कोरोना भाइरसपछि लकडाउनका बेला घर जाँदा जिल्ला प्रशासन कार्यालयबाट पास बनाएर दुईवटा ट्याक्टरमा लैजादै गर्दा नेचा सल्यान गापा १ मा प्रहरी र गाउँपालिका अध्यक्ष डुफकुमार बास्तोलाको नेतृत्वमा गएको नेकपा कार्यकर्ताको १०÷१२ जनाको समूह र प्रहरीको मिलेमतोमा ट्याक्टर रोकेर तोडफोड गरेको केसीको उजुरीमा उल्लेख छ ।
ट्याक्टर तोडफोडपछि पछ्याउँदै जाने क्रममा आफूमाथि ढुुंगामुढा भएको किटानी जाहेरी दिँदा पनि प्रहरी प्रशासनले सुनुवाई नगरेको केसीले गुनासो गरेका छन् । गाउँपालिका अध्यक्षसहित सुहरी ढुंगाना, केशर राई, कृष्णप्रसाद गौतम लगायतका युवाहरुले गुण्डागर्दी शैलीमा आफूमाथि प्रहार गर्दा पनि शान्ति सुरक्षा कायम गर्न बसेको प्रहरी मुकदर्शक भएर बसेको केसीको गुनासो थियो ।
नेता केसीले पोलका बारेमा प्रहरीसँग थप कुरा गर्दा प्रहरी चौकी र जिल्ला प्रहरी कार्यालयले ती पोल कहाँबाट ल्याएको हो पत्र देखाउनुस् भनेपछि केसी २०७७ असार ८ गते पत्र लिएर सम्बन्धित कार्यालयमा पुगेका थिए । प्रमुख जिल्ला अधिकारीले जिल्ला प्रहरी प्रमुखलाई बोलाई सोधपुछ गर्दा पनि पोल फिर्ता भएनन् ।
यसअघि गत बैशाख ७ गते गाउँपालिका अध्यक्ष डुफकुमारले प्रमुख जिल्ला अधिकारीलाई पत्र लेखी कोरोनाका कारण बाटो बन्द भएकोले पोल ढुवानी गर्न नदिनु भन्दै सरकारी छाप दुरुपयोग गरेको नेता केसीको आरोप छ । केसीले जिल्ला प्रशासन कार्यालय सोलुखुम्बु,, जिल्ला प्रहरी कार्यालय सोलुखुम्बु, इलाका प्रहरी कार्यालय बिहिबारे नेचा, दोदी प्रहरी चौकी नेचा र नेचा सल्यान गाउँपालिकालाई बिपक्षी बनाई सर्बोच्चमा मुद्धा दायर गरेका थिए ।
मुद्धाको सुनुवाई गर्दै सर्वोच्चले निबेदकको माग बमोजिम आदेश किन जारी हुनु नपर्ने हो ?
माग बमोजिमको आदेश जारी हुनु पर्ने कुनै आधार, कारण र प्रमाण भए प्रमाणित भए म्याद सूचना तामेल भएका मितिले बाटोको म्याद बाहेक १५ दिनभित्र महान्यायाधीवक्ताको कार्यालयमार्फत लिखित जवाफ पेश गर्न उत्प्रेषण जारी गरेको थियो । केसीका तर्फबाट सो मुद्धामा बरिष्ठ अधिवक्ता शेरबहादुर केसी, अधिवक्ताद्धय रामचन्द्र पौडेल र अधिवक्ता प्रकाश बस्नेतले बहस गरेका थिए ।
सर्बोच्च अदालतले हिमाली जिल्ला सोलुखुम्बुको नेचा सल्यान गाउँपालिकाका लागि भनी नेपाली कांग्रेसका नेता एवं पूर्बमन्त्री बलबहादुर केसीले आफ्नै पहलमा किनेका १ सय ५० थान विद्युत पोल अहिले जुन अबस्थामा छन् त्यहि अबस्थामा राख्नु भनी बिपक्षीका नाममा आदेश जारी गरेको थियो ।