पत्रकारिताको नाममा कुनै पनि विभेद सह्य हुन्न ः अध्यक्ष गैरे

उर्मिला यादव
रुपन्देही/पत्रकार विद्यार्थी संगठन नेपालको केन्द्रिय अध्यक्ष मुक्ति गैरेले पत्रकारितामा कुनै पनि विभेद सह्य हुन्न भन्नुभएको छ । पत्रकार विद्यार्थी संगठन नेपालको पहिलो जिल्ला समिति गठनका क्रममा केन्द्रीय अध्यक्ष गैरेले उक्त भनाई राखेका हुन् ।
सबै खाले विभेद, असमानता, राष्ट्रियता कमजोर बनाउने र मिडियाका विरुद्धमा संघर्ष केन्द्रित हुने बताउनुभएको थियो । अहिले नेपालमा दुई किसिमका मिडियाहरु क्रियाशील देखिन्छन् । एउटा मिडियामा मिसन केन्द्रित र अर्काे आत्मकेन्द्रित भएको हुँदा मिडियालाई व्यवस्थित गर्नतर्फ आफुहरु लाग्ने बताउनुभएको थियो ।
रुपन्देहीको मणिग्राममा मंगलबार सम्पन्न बैठकले सञ्चारकर्मी गंगा भण्डारीको अध्यक्षतामा ९ सदस्यीय रुपन्देही जिल्ला समिति गठन गरेको छ । समितिको उपाध्यक्षमा सुवास बेल्बासे, सचिवमा संस्कृति डुम्रे, सहसचिवमा अम्मरराज पाण्डे, कोषाध्यक्षमा ईश्वरी भट्टराई र सदस्यहरुमा उर्मिला यादव, राजेश सिङ्जाली र अञ्जली थापा रहेका छन् । उक्त कार्यक्रम गंगा भण्डारीको अध्यक्षतामा सम्पन्न भएको थियो ।