अब कसको भरोसा गर्ने ?

नियमन गर्ने निकाय नै घात प्रतिघातको खेलमा उत्रिन्छ भने कलम चलाउने कसको भरोसा गर्ने ? सवाल जटिल बनेर आएको छ ।
कुनै समय सञ्चारकर्मी भनेपछि इज्जत, प्रतिष्ठा र सम्मानको लेखाजोखा थिएन तर अहिले पत्रकार भनेर सामाजिक रुपमा परिचय दिँदा नाक नखुम्चाउने कमै मात्र भेट्न सकिन्छ । खुल्ला रुपमा आफ्नो परिचय राख्न पनि हिच्किचाउनु पर्ने अवस्था आउनुमा दोषी को ? अनियमितताका विरुद्ध खरो उत्रने निकाय भनेर चिनिने कलमजीविहरुमै विचलन आएको भन्दा अनौठो मान्नुपर्ने अवस्था रहेन । नेपाल पत्रकार महासंघ काभ्रे शाखाले सदस्यता नविकरणका विषयमा पेश गरेको विभेदले धेरै सवालहरु यो क्षेत्रमा लाग्नेहरुका लागि उठाइदिएको छ । महासंघको गत ३६औं र ३७औं बैठकमा जुन किसिमका दृश्यहरु जुटे, त्यसले पक्कै पनि सरोकारवालाहरुलाई घच्घच्याएको हुनुपर्छ । जुन आरोप लागेर बाहिरिन पुगेका सदस्यहरु न्यायका लागि सम्बन्धित निकायमा गुहार माग्न पुगेका छन् । यसले के पुष्टि गर्छ, सो सम्बन्धमा सम्बन्धित पक्ष नै जानकार राख्छ । जुन किसिमको गुनासो सहित सरोकारवाला निकायमा पुगे, त्यसले के महासंघलाई उहाँहरुले अपेक्षा गरेकै हुन् त ? जसको कारण सरोकारवाला निकायले महासंघ शाखासँग स्पष्टिकरण मागेको सुनिन आएको छ तर महासंघ शाखाले पुरानै निर्णयलाई दोहो¥याउँदै प्रतिवेदन पठाएको भन्ने सुनिएको छ । के ति सदस्यहरुले महासंघको विधि विधान तोडेकै हुन् ? पत्रकारिता क्षेत्रमा आँच पु¥याएकै हुन् ? नत्र किन त्यस किसिमको तल्लो स्तरको व्यवहार उहाँहरुप्रति गरियो ! पटक–पटक एउटै दृष्टिकोणमा राखेर दाँज्नु न्याय संगत हो ? यो गम्भीर विषय भएको छ । यस्ता खाले व्यवहारले अब पेशाप्रति नै प्रश्न चिन्ह नउठाउला भन्न सकिन्नँ ।
फाँसीमा चढेको अपराधीलाई त अन्तिम इच्छा के छ भनी सोधनी हुन्छ तर यहाँ त पटक–पटक ढोका ढकढक्याउन पुगेका सदस्यहरुलाई अनर्गल लाञ्छना लगाएर पन्छाउने काम भएको छ । के यस किसिमको क्रियाकलापले पत्रकारहरुको आवाजको सम्बोधन हुन्छ ? हक, अधिकारका बारेमा न्याय पाइन्छ ? सोचनीय विषयका रुपमा हाम्रा अगाडि आएको छ । सयौं कल उठ्दैनन् । महासंघको ढोकामा भोटे ताल्चा ठोकिएको हुन्छ । उल्टै नीति र नियमको कुरा गरिन्छ, यो कहाँको नियम हो ? के नेपाल पत्रकार महासंघ काभ्रे शाखा स्वायत्त निकाय हो ? उसलाई कुनै विधि, कानून, ऐन लाग्दैन ? के विधिमा नगएको भए किन गुनासो पोख्न सरोकारवाला निकायसम्म पुग्यौं त हामी ? पिडितको गुनासो छ । आफ्नै कार्यसमितिलाई समेत गुमराहमा राख्न सफल हुनुभएकोमा नेतृत्वलाई सम्मान गर्नैपर्छ भन्छन् पिडितहरु । किनकी यदि गुमराहमा राखिएको थिएन भने उहाँहरुले नविकरणको लागि कागजात र नविकरण शुल्क लिनुहुने थिएन ।
यस किसिमको क्रियाकलापले अब नेपाल पत्रकार महासंघ काभ्रे शाखाप्रति प्रश्न चिन्ह खडा गर्दैन ? पछिल्लो समय महासंघले हामीप्रति जुन आरोप लगाउने कोसिस गरेको छ, त्यसप्रति गम्भीर बनेका छौं भन्छन् पिडितहरु । उहाँहरुको तितो आलोचना छ, महासंघका लागि यो फलामे चिउरा हुनेछ पार्षद जीवन खड्गीको तर्क छ । सम्पूर्ण कागजातसहित रकम सहित बुझिलिने अनि समयमा नआएकोले नविकरण नगरिएको भनेर अफवाह फैलाउने कोसिस गर्नु कहाँसम्मको मूर्खता हो ? भन्नुहुन्छ पार्षद खुबनाथ दुलाल । मैले सयौं पटक कल गरें, कयौं पटक महासंघको कार्यालयमा आफैं गएँ तर सम्पर्क गर्न सकिनँ । के मैले उहाँहरुले लगाएको आरोप स्वीकारेर बस्नुपर्ने हो ? भन्नुहुन्छ पार्षद बसन्त श्रेष्ठ ।
यावत् सवालको जवाफ सरोकारवाला व्यक्तिसँग नभएको ३६औं र ३७औं बैठकको निर्णयको विपक्षमा मत जाहेर गर्ने कार्यसमितिका पदाधिकारी एवं सदस्यहरुको एक मत छ । उहाँहरुको एउटै तर्क थियो, हामीलाई झुक्याउने काम भयो । हामीले पटक–पटक विधिसम्वत् आएका साथीहरुको नविकरण किन नगरेको भन्दा अर्काे वर्ष गरौंला भन्दै हामीलाई लंगार्ने काम भयो । अन्ततः आएर आलोचनाको भारी बोकाउन पुग्नुभयो । यो विषयमा अत्यन्तै दुःख लागेको छ, उहाँहरुको गुनासो थियो ।