पर्यटनमा फड्को मार्दै होटेल व्यवसायी

धुलिखेल/गत सोमबार काभ्रेको पर्यटकीय नगरी धुलिखेलमा रहेका होटल व्यवसायीहरुले आफ्नो व्यवसायलाई कसरी अगाडि बढाउन सकिन्छ भनेर योजनाहरु पेश गरेका छन् । कोभिड–१९ का कारण झण्डै सात महिनादेखि थला परेको काभ्रेको पर्यटन व्यवसाय पुनर्जीवित गर्न क्षेत्रीय होटल संघ (रेहान) काभ्रेको पहलमा विशेष गरी तीन वटा पर्यटकीय क्षेत्रलाई समेटेर प्याकेज ल्याएको छ ।

राजधानीको नजिकै रहेको पर्यटकीय नगरी धुलिखेलमा रहेका होटलहरुको व्यवसायलाई केही राहत दिने जमर्काे सहित प्याकेजका रुपमा आफूहरुले आन्तरिक पर्यटकलाई आकर्षित गर्ने तीन प्याकेज ल्याएको संघका अध्यक्ष प्रेमकण्ठ माकजु श्रेष्ठले बताउनुभएको छ । रेहानले विशेष गरी परिवारलाई लक्षित गरेर गत आईतबार ति योजनाहरु सार्वजनिक गरेको बताएको छ । रेहानका अध्यक्ष श्रेष्ठका अनुसार अहिलेको संक्रमित अवस्थामा सम्पूर्ण आगन्तुक आन्तरिक पर्यटनहरुको स्वास्थ्यलाई ख्याल गर्दै नेपाल सरकारले तोकेका सम्पूर्ण स्वास्थ्य मापदण्डलाई आत्मसात गरेर सेवा प्रवाह गरिने भेटमा बताएका छन् ।

त्यसैगरी रेहानकी महासचिव ज्योत्सना सैँजुले धुलिखेललाई पर्यटकीय हबको रुपमा विस्तार गर्ने योजनालाई कोभिडले केही पछि धकेले पनि अब विस्तारै अगाडि बढ्ने जमर्काे सहित फर ‘कल्चर एण्ड नेचर’, धुलिखेल फर ‘सुपर म्यान फिलिङ’ र धुलिखेल फर ‘तीनधारे झरना’ प्याकेज ल्याएको बताउनुभएको छ । सैँजुका अनुसार तीनै वटा प्याकेजलाई क्रमशः होटलहरुको सामिप्यतामा सम्बोधन गरेर लैजानेछौं । जसले आन्तरिक पर्यटनलाई बल पुग्ने विश्वास लिएका छौं । जसअन्तर्गत पहिलो प्याकेजमा धुलिखेल फर ‘कल्चर एण्ड नेचर’ मा एक रात दुई दिन, दोस्रो प्याकेज ‘फिलिङ सुरपरम्यान’ मा दुई रात तीन दिन र तेस्रो ‘तीनधारे झरना’ मा दुई रात तीन दिनको प्याकेज तयार गरिएको भेटमा बताउनुभएको छ ।

जुन प्याकेजहरु अन्तर्गत सिलसिलेवार रुपमा अगाडि जानेछन् । जसमा पहिलो प्याकेज धुलिखेल फर ‘कल्चर एण्ड नेचर’ मा पर्यटकलाई आउने वित्तिकै वेलकम टि र सामान्य खाजाले स्वागत गरिनेछ । सोही साँझ धुलिखेलको लखनडबलीमा लाखे नाच देखाइनेछ, त्यसको भोलिपल्ट बिहान चिया वा कफी पिएर हजार सिँढीको हाइकिङ गर्दै धुलिखेलको देवीस्थानमा रहेको काली देवीको दर्शन तथा शान्ति वनमा रहेको बुद्ध मूर्तिको अवलोकनका साथै देवीस्थानबाट चारैतिरको मनोरम दृश्यावलोकन पश्चात काली देवी र बुद्ध मूर्तिको अवलोकनपछि होटलमा फर्कि ब्रेकफास्ट गराइनेछ र दिउँसोको खानापछि होटल छोड्नुपर्ने व्यवस्था मिलाएका छौं, सैंजूले भन्नुभयो ।

यसरी धुलिखेलको आन्तरिक पर्यटनसँगै होटल व्यवसायलाई मूर्त रुप दिन व्यवसायीहरु एक भएका हुन् । जसबाट धुलिखेलको रमणीय स्थलहरुमा आन्तरिक पर्यटनले फड्को मार्ने विश्वास रेहानले लिएको छ ।