स्कार्पियो एक आपसमा ठोक्किँदा तीन जना घाइते

उर्मिला यादव
भैरहवा । रुपन्देहीको ओमसतिया गाउपालिका वडा नम्बर ४ को वडा कार्यालय नजिकै सवारी साधन दुर्घटना हुँदा तीन जना घाइते भएका छन् ।
इलाका प्रहरी कार्यालय बेलहीयाका अनुसार हुलाकी सडक खण्ड अन्र्तगत ओमसतिया गाउपालिका वडा नम्बर ४ मा पश्चिम नवलपरासीको परासीबाट आउँदै गरेको बा १८ च १८४२ नम्बरको स्कारपियो र भैरहवादेखि सिलौटीया मेला जाँदै गरेको लु १ ह १३३६ नम्बरको अटोरिक्सा एक आपसमा ठोक्किँदा तीन जना घाइते भएका हुन । घाइते हुनेमा अटो रिक्सामा सवार दोलखा जिल्ला बस्ने ४३ बर्षिय काजीमान श्रेष्ठ, सोहि ठाउँमा बस्ने ५० बर्षिय शुक कुमार तामाङ र कञ्चनपुर जिल्ला बस्ने वर्ष ४० को अनुष तिवारी घाइते भएको इलाका प्रहरी कार्यालय बेलहीयाले जनाएको छ । घाइते मध्ये २ जनाको भिम अस्पताल भैरहवा र एक जनाको युनिभर्सल मेडिकल कलेज भैरहवामा उपचार भैरहेको प्रहरीले जनाएको छ ।