जिल्ला सहकारी सबैको साझा चौतारी भएको छ ः अध्यक्ष शर्मा

काभ्रे । जिल्ला सहकारी संघ काभ्रेको ३९औं साधारणसभाबाट दिलिप शर्माको अध्यक्षतामा सर्वसम्मत रुपमा समिति चयन भएपश्चात् निर्वाचित अध्यक्ष शर्मा कथन थियो– जिल्ला सहकारी संघ सबैको साझा चौतारी हो भन्ने पहिचान दिन सफल भएका छौं ।

निर्वाचित पश्चात् अध्यक्ष शर्माले सबैको सहमतिमा साझा टिम बनेको र एकताकै आधारमा काभ्रेको सहकारी अभियानलाई मुलुकभर चिनाउने प्रतिवद्धता जनाउँदै सहकारीहरुको क्षेत्रमा नेतृत्वहरु कति उद्धार हुन्छन् भन्ने काभ्रे जिल्ला सहकारी संघले प्रस्तुत गरेको स्मरण गराउनुहुँदै यसले बाँकी जिल्ला सहकारी संघ र केन्द्रीय नेतृत्वलाई समेत प्रेरणा दिनेछ भन्ने विश्वास लिएको अध्यक्ष शर्माको दाबी थियो ।

विशेष गरी काभ्रे जिल्लामा सहकारीहरु शहर केन्द्रित छन् । यसलाई जिल्ला १३ वटै पालिकाहरुमा परिचालित गराउने दायित्व जिल्ला सहकारीको हो । यस अर्थमा पनि आजको निर्वाचनले एउटा महत्वपूर्ण सन्देश प्रवाह गरेको छ । जसले सहकारी अभियानलाई गाउँसम्म लैजानका निम्ति १३ वटै पालिकाहरुमा समन्वय र सम्पर्क बढाउन सहज हुने विश्वास अध्यक्ष शर्माले व्यक्त गर्नुभएको थियो । हाल काभ्रे जिल्लामा १ हजार ४ सय ९५ सहकारी संस्था क्रियाशील रहेता पनि जिल्ला सहकारी संघमा आबद्ध रहनेहरुको संख्या न्यून छ । यो समितिले ति क्रियाशील संस्थाहरुलाई संघमा आवद्ध गराउन महत्वपूर्ण पहल गर्नेछ भन्ने विश्वास आफूले लिएको अध्यक्ष शर्माको दाबी थियो ।

बनेपामा सम्पन्न संघको वार्षिक साधारणसभाले सर्वसम्मत रुपमा ४ वर्षका लागि नयाँ नेतृत्व चयन गरेको छ । साधारण सभाबाट संघको उपाध्यक्षमा अमन पोटे, उपाध्यक्ष महिलामा कमला अधिकारी र कोषाध्यक्षमा राजन शाक्य निर्वाचित भएका हुन् । त्यसैगरी संघको सदस्यहरुमा यदुनाथ हुमागाईं, सुदर्शन अधिकारी, ठाकुरनाथ अधिकारी, राधिका दाहाल घिमिरे, मञ्जु घिमिरे, दिपक थापा, अर्जुन प्रसाद सापकोटा, कमल प्रसाद कुइंकेल, शान्ति लामा तामाङ र हिमाली श्रेष्ठ चयन हुनुभएको छ । त्यसैगरी साधारण सभाले संघको लेखा सुपरीवेक्षण समिति संयोजकमा शम्भुलाल श्रेष्ठ र सदस्यहरुमा सरस्वती चिमौरिया र गणेशप्रसाद भट्टराई चयन गरेको छ ।