आपतकालिन ट्रमा प्रणाली सम्बन्धी तालिम

बनेपा । ग्रामीण आपत्कालिन ट्रमा प्रणाली सुदृढिकरण परियोजनाले जिल्लामा आइपर्ने आकस्मिक दुर्घटनाहरुलाई मध्यनजर गर्दै आपत्कालिन ट्रमा प्रणाली सुदृढिकरण सम्बन्धी तालिम नेपाल रेडक्रस सोसाइटी काभ्रे शाखाको पहलमा चौरीदेउराली गाउँपालिका र बेथानचोक गाउँपालिकालाई लक्षित गरी सञ्चालन गरेको थियो ।उक्त गाउँपालिकाहरुमा ख श्रेणीको पारामेडिक र एम्बुलेन्सको व्यवस्थापन सम्बन्धी सहभागीहरुलाई सुसूचित गराइएको थियो । प्राथमिक उपचार र आवश्यक व्यवस्थापकीय जानकारीका लागि तालिममा सहभागीहरुलाई आइपर्ने विभिन्न आपत्कालिन विषयका बारेमा सुसूचित गराइएको आयोजकले जनाएको छ ।
संयुक्त रुपमा दीप प्रज्वलित गरेर कार्यक्रमको आरम्भ गरिएको थियो । उक्त अवसरमा पनौती नगरपालिकाका प्रमुख भीम न्यौपानेले रेडक्रसले मानवीय क्षेत्रमा पु¥याएको योगदानको उच्च सम्मान गर्दछु भन्दै यस्ता चेतनामूलक कार्यक्रमका लागि नगरपालिका सदैव तयार रहेको बताउनुभएको थियो ।

विनाशकारी भूकम्पको समयमा काभ्रे जिल्ला रेडक्रसले पु¥याएको योगदानको चर्चा गर्नुहुँदै आगामी दिनमा पनि यस्तै किसिमका चर्चायोग्य कार्य रेडक्रसले गर्नुछ भन्ने अपेक्षा आफूले लिएको प्रमुख न्यौपानेको तर्क थियो ।
आयोजकका अनुसार नेपाल रेडक्रस सोसाइटी केन्द्रीय कार्यालयको तर्फबाट केन्द्रीय उपनिर्देशक बालकृष्ण सेडाई, केन्द्रीय सदस्य कुमार थापा, पनौती नगरका नगर प्रमुख भिम न्यौपाने, बेथानचोक गाउँपालिकाका अध्यक्ष प्रेमबहादुर तिमल्सिना लगायतले तालिमको औचित्यतामाथि प्रष्ट पार्दै तालिम सिकिसकेपछि व्यवहारमुखी हुनुपर्नेमा जोड दिनुभएको थियो । कार्यक्रमको अध्यक्षता नेपाल रेडक्रस सोसाइटी काभ्रे शाखाका संयोजक समुद्रलाल श्रेष्ठले गर्नुभएको थियो भने स्वागत मन्तव्य काभ्रे शाखाका सचिव पुष्पा खड्काले गर्नुभएको अधिकारकर्मी राजु सिग्देलले जानकारी गराउनुभएको थियो ।