अक्षरमार्ग सम्मान समर्पण

काभ्रे । अक्षरमार्गले आफ्नो आठौंँ वार्षिकोत्सवको अवसर पारेर नेपाली भाषा–साहित्यको श्रीवृद्धिमा समर्पित रहेका पाँचजना साहित्यसेवी स्रष्टाहरूलाई सम्मानित गरेको छ । अक्षरमार्गका सम्पादक÷प्रकाशक सूर्य लाकोजूको सभापतित्वमा भएको कार्यक्रममा प्रमुख अतिथि डा. तुलसी भट्टराईले स्रष्टाहरूलाई सम्मान अर्पण गर्नुभएको हो ।
कार्यक्रममा संस्थाले ‘विष्णुहेम अक्षरमार्ग वरिष्ठ साधक सम्मान’ बाट साहित्यकार तथा पत्रकार श्रीओम श्रेष्ठ ‘रोदन’, ‘कृष्णसुन अक्षरमार्ग साहित्यिक पत्रकार’ सम्मानबाट वियोगी बुढाथोकी, ‘नरबहादुर अक्षरमार्ग सम्मान’ बाट विष्णुसिंह राई, ‘कृष्णदास अक्षरमार्ग स्रष्टा सम्मान’ बाट सुरेन्द्र अस्तफल र ‘अक्षरमार्ग भरतराज काभ्रेली गौरव सम्मान’ बाट तारा केसीलाई सम्मानित गरेको छ । साहित्यकार मोहन दुवालले सम्मानित प्रतिभाहरूका बारेमा प्रकाश पार्नुभएको थियो ।
कार्यक्रमका प्रमुख अतिथि साहित्यकार डा. तुलसी भट्टराईले स्रष्टाहरूलाई सम्मान अर्पण गर्दै आफूहरू अक्षरमार्गको यात्रामा यात्रारत रहेको र अक्षरमार्गको अक्षरकर्म सुरम्य रहेको बताउनुभयो ।
कार्यक्रममा विभिन्न मुक्तककारहरूको संयुक्तसंग्रह ‘मुक्तकमा समवेत स्वरहरू’ पनि लोकार्पण गरिएको थियो । सो मुक्तकसंग्रहमा १३६ जना स्रस्टाका मुक्तकहरू समाविष्ट छन् । सार्वजनिक मुक्तकसंग्रहमाथि समालोचक डा. शैलेन्दुप्रकाश नेपालले समीक्षात्मक टिप्पणी गर्नुभएको थियो ।
कार्यक्रममा सम्मानित स्रष्टाहरूका साथै साहित्यकार मोहन दुवाल, सूर्यप्रसाद लाकोजू, रत्नप्रसाद अनामणि श्रेष्ठ, उमेश पाण्डे, डा. पुष्करराज भट्ट, गार्र्गी शर्मा, धु्रवकृष्ण ताम्राकार, प्रह्लाद के.सी.लगायतले आफ्ना विचार व्यक्त गर्नुभएको थियो ।
त्यस अवसरमा प्रदीप सापकोटा, उत्तम विचार भेटुवाल, वसन्त नकर्मी, प्रकाश घायल, रविन्द्र आशिष शैली, लव खड्का, सञ्जीव राई, रुद्र अधिकारीलगायतले आआफ्ना मुक्तकहरू पनि वाचन गर्नुभएको थियो । त्यसैगरी कार्यक्रममा दुर्गा किरण, मीना चौलागाईँ, सुभद्रा दाहाल, रामसुन्दर देउजा, तेजकुमार श्रेष्ठ, दिलकुमारी डंगोल, कृष्णकुमार वैद्य, तुयुकाजी ताम्राकार, जयदेश श्रेष्ठ, काशीराम विरस, सुधा भट्टराईले पनि आफ्ना मुक्तक प्रस्तुत गर्नुभएको थियो ।