लाकोजूलाई बम सरस्वती स्मृति पुरस्कार

काभ्रे । धवलागिरी साहित्य प्रतिष्ठानबाट प्रदान हुँदै आएको “बम–सरस्वती स्मृति पुरस्कार “यस वर्ष साहित्यकार सुर्यप्रसाद लाकोजुलाइ प्रदान गरेको छ ।
प्रतिष्ठानका सस्थापक एबं अध्यक्ष काजी रोशनको अध्यक्षतामा भएको कार्यक्रममा प्रमुख आतिथि डा रामप्रसाद उपाध्याय ले साहित्यकार लाकोजूलाई सम्मानपत्र, दोसल्ला र नगद रू दश हजार सहित पुरस्कार प्रदान गरेको हो ।
विगत लामो समयदेखि कविता, निबन्ध, हाइकु, नियात्रा, मुक्तक, अनुवाद विधामा कलम चलाउँदै आएका लाकोजूका भावनाका फूलहरू, फूलहरुको मेला, पर्श, मेरो मन मेरो मीत, पनौती, पनौतीको बाह्वर्षे मकरमेला, स्मृतिका आलेखहरु प्रेरणाको चौतारी, गुराँस फुल्ने मन, कोपिला, केही काभ्रेली अक्षरकर्मीहरु, घामको चुम्वन, अक्षरका स्वरहरु, सुसेली, यःमरी, घाम उदायो, शाश्वत स्वरहरू, मेरो घाम, फूलैफूल, साथी, मेरो सानो घर, आसामको स्पर्श, दिवाकरका चुम्वन गरी करिव दुई दर्जन साहित्यि कृतिहरू प्रकाशित छन् ।
अक्षरमार्गका सम्पादक तथा प्रकाशक समेत रहेका उनी साहित्यिक पत्रकारितामा समेत लामो समयदेखि सकृय छन ।