ढुंगानालाई नेपाल रेडक्रस सोसाइटी जिल्ला शाखाको जिम्मेवारी

बनेपा । नेपाल रेडक्रसको प्रचलित विधानको दफा ३५ (१) बमोजिम र मिति २०७२ साल वैशाख ४ र ५ गतेको केन्द्रीय कार्यसमितिको बैठकले दिएको सहमतिको आधारमा वैशाख २३ गतेको पदाधिकारीहरुको बैठकको निर्णयानुसार हाललाई अर्को व्यवस्था नभएसम्मका लागि नारायण ढुंगानाको संयोजकत्वमा नेपाल रेडक्रस सोसाइटी काभ्रेपलाञ्चोक जिल्ला तदर्थ समिति गठन भएको जानकारी प्राप्त भएको छ ।

गठित समितिमा विदुरप्रसाद घिमिरे सह–संयोजक, विजयराम कर्माचार्य सचिव, कमल घिमिरे कोषाध्यक्ष, प्रदीप सापकोटा उप–सचिव, निलम श्रेष्ठ उप–कोपाध्यक्ष, सदस्यहरुमा कुमार कार्की, हेमलाल तामाङ, विष्णुमणी नेपाल, झकप्रसाद गौतम, इन्द्रलाल तामाङ, गीता कुँवर, सुभद्रा नेपाल, मुकुन्द अर्याल र दयालक्ष्मी श्रेष्ठ चयन हुनुभएको छ ।