विषम् परिस्थितिका बारेमा नेरेसो काभ्रे शाखाको धारणा

काभ्रे । अहिले जिल्लामा देखा परेको विषम् परिस्थितिलाई मध्यनजर गर्दै नेपाल रेडक्रस सोसाइटी काभ्रे शाखाले आफ्नो धारणा विज्ञप्तिमार्फत् सार्वजनिक गरेको छ । स्थापना कालदेखि निरन्तर रुपमा मानव सेवामा आफुलाई समर्पित गर्दै आइरहेको सामाजिक संस्थाको रुपमा नेपाल रेडक्रस सोसाइटीलाई चिनिन्छ ।
काभ्रेपलाञ्चोक जिल्लामा पनि स्थापनाकालदेखि नै प्राथमिक उपचार लगायत विभिन्न विपदहरुमा उद्धार तथा राहत कार्यमा लागि मानविय सेवामा तल्लिन रहेको तथ्य उसका गतिविधिहरुले प्रष्ट पार्दछ । वर्तमान अवस्थामा काभेपलाञ्चोक जिल्ला कार्यसमिति जिम्मेवारी पूरा गर्न कटिबद्ध रहेको व्यहोरा विज्ञप्तिमा उल्लेख गरेको छ । जिल्ला तदर्थ समिति संस्थाका सबै गतिविधिहरु सहभागितामलक जवाफदेहिता र रेडक्रसको प्रचलित सिद्धान्त मूल्य र मान्यता अनुरुप आफूले पाएका जिम्मेवारीहरु बहन गर्न, देखिएका चुनौती र समस्याहरुसँग जुध्ने प्रतिबद्धता व्यक्त गर्दछौं विज्ञप्तिमा भनिएको छ ।
रेडक्रसकर्मी एवं स्वयंसेवक लगायतका आबद्ध व्यक्तित्वहरुमा विश्व कोभिड १९ कोरोना भाइरसबाट आक्रान्त पारेको देखिएको छ । जसबाट देश, जिल्ला हुँदै समुदाय स्तर पनि मुक्त छैन । दिनानुदिन विकराल समस्या बन्दै संक्रमण बढी रहेको अहिलेको अवस्थामा विषम परिस्थितिलाई मध्यनजर गरेर रेडक्रसकर्मी, स्वयंसेवकहरुले आफुले जनस्वास्थ्यका आधारभूत मापदण्डहरुको पालना गर्दै आम जनसमुदायलाई कोरोना भाइरसबाट जोगाउन अवलम्बन गर्नुपर्ने जनस्वास्थ्यका मापदण्ड र व्यक्तिगत सूरक्षाका बारेमा सचेत गराउनुपर्ने महत्वपूर्ण दायित्व रेडक्रसकर्मीमा आएको विज्ञप्तिमा उल्लेख छ । यस सन्दर्भमा संयमित भई सम्भावित थप जोखिमलाई मध्यनजर राख्दै रोगको बारेमा आम समुदायलाई सजग सतर्क गराउने,जानकारी दिने कार्यमा स्वयंसेवी भावले । लाग्न सम्पूर्ण रेडक्रसकर्मीमा आग्रह गर्दै तमाम जिल्लावासीहरुमा जन स्वास्थ्यका सम्पूर्ण मापदण्ड पालना गर्न अनुरोध गरिएको छ ।
रेडक्रसका सिद्धान्त मूल्य मान्यताको परिपालना गरी संस्थाको जीवन्तताको लागि आवश्यक पर्ने हाम्रा उपशाखाहरुको निर्वाचन जिल्ला शाखाको निर्वाचन हामा आगामी कार्यभार रहने छन । यसका साथै संस्थागत शुसासन कायम गर्ने विभिन्न निकायहरुसँगको थप सुसम्बन्ध विस्तार गर्ने साझा एजेण्डाहरुमा सबै सरोकारवालाहरुसँग समन्वय गर्ने योजना रहेको विज्ञप्तिमा उल्लेख गरिएको छ । उपशाखादेखि नै संस्थाको विधानको उचित परिपालना गर्न रेडक्रसकर्मीहरुलाई थप जिम्मेवार बनाउने, श्रोत र साधनको व्यवस्थापन गर्न विभिन्न दाता एवं निकायहरुसंग परस्पर सुसम्बन्ध विस्तार गर्न प्रयत्नहरु गरिनेछन् । संस्थाका हरेक कार्यक्रम र गतिविधिहरु पारदर्शि ढंगले संचालन गरिनेछन । यसो गर्दा उत्तरदायित्व र जवाफदेहिता सुनिश्चित हुने ढंगले कार्यहरु गर्ने प्रयत्न हुनेछन् ।
संस्थामा वित्तिय पारदर्शिता कायम गरिनेछ । संस्थाले संचालन गर्दै आएका मानवीय सेवाका कार्यहरु थप प्रभावकारी बनाउन पहल गरिनेछ । रक्तसंचार सेवा केन्द्रलाई थप व्यवस्थित गर्दै संचालन गरिनेछ । जिल्ला शाखा अन्तर्गत विभिन्न समुदायमा संचालित परियोजनाहरुको लक्ष्य र उद्देश्य हासिल गर्न पहल कदमी लिइनेछ भनी विज्ञप्तिमा उल्लेख छ ।