पिडामा मलमपट्टि लगाउँदै रेडक्रस

काभ्रे (पाँचखाल) । सक्षम नेतृत्व कस्तो हुन्छ भन्ने उदाहरण भर्खरै संयोजकको भूमिका निर्वाह गर्न आइपुग्नुभएका रेडक्रमकर्मी नारायण ढुंगानालाई लिन सकिन्छ ।
जहाँ विपद् त्यहाँ रेडक्रसको नारा लिएर पिडितहरुका चह्राएका घाउहरुमा मलमपट्टि लगाउन समर्पित नाम हो नारायण ढुंगाना । आफूले नेतृत्व सम्हालेको छोटै अवधिमा गुमेको रेडक्रसको पहिचान दिन सफल हुनुभएको आम जिल्लावासीले चर्चा गरेका छन् । आइतबार हस्याङफस्याङ गर्दै, भौंतारिँदै भन्दै हुनुहुन्थ्यो, हाम्रो सानो सहयोगले पिडितले ठूलो राहत महसुस गर्नेछ । त्यसैले सहयोगलाई सानो नसम्झिन यात्राका सहयात्रीहरुलाई सम्झाउँदै हुनुहुन्थ्यो । महेन्द्रज्योती र पाँचखालमा आइपरेको विपद्लाई मलमपट्टि लगाउने क्रममा आफ्ना सहयात्रीहरुलाई सम्झाउँदै यो विपद्को घडिमा सानो ठूलो केही नभनी पिडामा मलमपट्टि लगाउन हौसाइरहनुभएको थियो ।
सोही क्रममा नेपाल रेड्क्रस सोसाइटी महेन्द्रज्योती उपशाखाका पदाधिकारिहरुले हेलम्बु तथा मेलम्चीका बाढी पिडितहरुको सहयोगार्थ सङ्कलन गर्नुभएको रकम ४६ हजार ६ सय ४० उपशाखा सभापती मुकुन्द वाग्लेमार्फत् ग्रहण गर्दै संयोजक ढुंगानाले उक्त अभिव्यक्ति राख्नुभएको हो । यसैगरी संयोजक ढुंगानाले राहतका हातहरु निरन्तर रुपमा बढिरहेमा सिन्धुपाल्चोक जिल्लाका बाढी पिडितहरुलाई थप सहयोग गर्न सकिने बताउनुभएको थियो ।
यसरी उपशाखा मार्फत जिल्ला शाखालाई रकम हस्तान्तरण गर्ने महेन्द्रज्योति पहिलो उपशाखा बनेको छ भने यस अघि पाँचखाल उपशाखाले मेलम्चीका बाढी पिडितहरुका लागि १ सय थान सुपानेट झुल र २५ थान त्रिपाल उपलब्ध गराएको समेत सो अवसरमा जानकारी गराइएको थियो । सोहि अवसरमा आर.ई.टि.टि.एस. परियोजनाबाट उपलब्ध भएका बालबालिकाहरुको सिकाइ तथा खेल सामग्री स्वास्थ्य केन्द्रहरुलाई हस्तान्तरण गरिएको थियो । आइतबारै अग्नी पिडित सञ्चारकर्मी सुशिलराज गिरीको बासस्थान पुगेर नेरेसो जिल्ला शाखाले नियमअनुसार प्याकेज र व्यक्तिगत रुपमा संकलन गरिएको खाद्यान्न वितरण गरेको थियो ।
जसअन्तर्गत पाँचखाल नगरपालिका वडा नं ५ खावाका अग्निपिडित सुशिलराज गिरि र बनेपा नगरपालिका महेद्रज्योतीका बिकास नेपालीलाई गैर खाद्य सामग्री राहत वितरण गर्ने क्रममा नेरेसो काभ्रेका संयोजक ढुङाना, सचिव विजयराम कर्माचार्यद्वयबाट जिरामसिनो २५ केजिको चामल ३ बोरा र सदस्य कुमार कार्कीले १ बोरा गरी जम्मा ४ बोरा चामल व्यतिगत खर्चमा पिडित परिवारहरुलाई जुटाइएको थियो ।