राजनीतिमा युवाहरुको खाँचो छ ः उपप्रमुख गुप्ता

धनी राम कोरी
कपिलवस्तु । कार्यक्रमलाई शुभारम्भ गर्नुहुँदै युवाहरु राजनीति क्षेत्रमा पनि सक्रिय हुनुपर्छ, युवाले राष्ट्रको विकासको कामसँगै सामाजिक काम पनि गरिरहेको कपिलवस्तु नगरपालिकाका उपप्रमुख लक्ष्मी गुप्ता बताउनुभएको छ । कोभिडको तेस्रो लहरको आशंकामा नगरवासीहरुलाई सुरक्षित रहन आग्रह गर्दै मास्क वितरण कार्यक्रमलाई प्रभाकारी रुपमा अगाडि बढाउनुपर्ने उपप्रमुख गुप्ताको धारणा थियो ।
जिल्लाको सदरमुकाम तौलिहवामा अन्तर्राष्ट्रिय युवा दिवसको उपलब्धमा योगदान राष्ट्रको लागि कपिलवस्तु शाखाले कोभिड १९ को तेस्रो लहरलाई नियन्त्रण गर्नको लागि माक्स वितरण गरेको हो ।
अन्तर्राष्ट्रिय युवा दिवसको अवसरमा योगदान राष्ट्रको लागि कपिलवस्तुले बाटोमा विना माक्स लगाएर हिँड्ने मान्छेहरुलाई माक्स वितरण गरेर कोभिड १९ लाई नियन्त्रणमा सहयोग हुने कपिलवस्तु शाखा संयोजक मोहम्मद इरफान मन्सुरीले कार्यक्रममा बताउनुभएको थियो ।
उक्त कार्यक्रमा जिल्ला प्रहरी कार्यालयका प्रहरीले सुरक्षा र माक्स वितरणमा सहयोग समेत गर्नु भएको थियो । योगदान राष्ट्रको लागि कपिलवस्तु शाखा को आयोजना र डायनामिक सामाजिक विकास संस्था, कपिलवस्तु नगरपालिका, लुम्बिनी अपाङ्गता विकास केन्द्रको समन्वयमा कोभिड १९ विरुद्ध अनिवार्य माक्स वितरण अभियान सम्पन्न भएको थियो ।

उक्त कार्यक्रममा सामाजिक बिकास अधिकृत पदम राज श्रेष्ठ, जिल्ला प्रहरी कार्यालयका प्रहरी निरीक्षक जगन्नाथ मरासिनी, लुम्बनी अपाङता विकास केन्द्रका ओरिराम चौरसिया, ट्राफिक प्रहरी कार्यालय तौलिहवाका नायव निरक्षक चित्र वीर केसी र योगदान राष्ट्रको लागि कपिलवस्तु शाखाका सल्लाहकार बबिता गिरी, सञ्चारकर्मी र प्रहरी लगायतको बाक्लो उपस्थिति रहेको थियो ।