प्रहरीको फन्दामा २ सय ८९ फरार अभियुक्त

धनी राम कोरी
कपिलवस्तु । प्रहरीले लामो समय देखि खोजिको सूचिमा राखेका फरार अभियुक्त पक्राउ परेका छन् ।
जिल्ला प्रहरी कार्यालय कपिलवस्तुको अपरेसन ‘फप’ अन्तर्गत एक महिनामा २ सय ८९ अभियुक्त पक्राउ गरिएको कपिलवस्तुका प्रहरी उपरीक्षक दानबहादुर कार्कीले बताएका छन् । कार्कीका अनुसार अभियान अन्र्तगत आर्थिक वर्ष २०७७÷७८ मा जम्मा २ सय ८९जना फरार अभियुक्त पक्राउ परेका हुन् । यसरी पक्राउ परेकामा कुटपिट, सवारी ज्यान, ठगी , अंश, वन पैदावार,अभद्र व्यवहार, लागुऔषध लगायत मुद्दाका अभियुक्त छन् । मुद्दा सानै भए पनि लामो समयदेखि पक्राउको प्राथमिकतामा नपरेका अभियुक्तलाई खोजी गर्ने सिलसिला चलाइएको आयोजित पत्रकार सम्मेलनमा प्रहरी उपरीक्षक कार्कीले खुलासा गरेका हुन् ।

‘वर्षौंदेखि फरार रहे र प्रहरीले प्राथमिकतामा रहेका तर प्रहरीको आँखा छलेर समाजमा खुलेआम हिँडिरहेका अभियुक्त पक्राउ परेका हुन्’ उहाँले भने, ‘शान्ति सुरक्षा कायम गर्ने सिलसिलामा हामीले पक्राउ गरेका हौं ।

प्रहरीको काम समाजमा शान्ति ,सु–व्यवस्था र अपराध मुक्त बनाउने हो । घटनाहरुलाई कम गर्न प्रहरीले मात्र गर्न सक्दैन समाजका सबै जना मिलेर मात्र कम गर्न सकिन्छ । सर्वसाधारण र प्रहरी बीच सुमधुर सम्बन्ध भए मात्र सबै घटना बहिरा आउन सक्छ ।

कपिलवस्तु मा रहेर विभिन्न संचार माध्यम मा काम गरिरहेका संचारकर्मीहरुको सहभागीता रहेको थियो ।