तीन मुक्तक

पूर्णबहादुर श्रेष्ठ “हृदयङकृत”
पनौती–३, काभ्रे

१.
पुग्यौ थाहा छैन कुन खोलीतिरमा
हात राखी आशिर्वाद दिनु शीरमा
केबल सम्झना मात्रै रहेछ जिन्दगी
हेर्न विवश छु म आज तस्वीरमा ।

२.
बिना कसुर गल्तीमा मुछ्ने तिमी हौ
गिद्ध बनेर जिउँदै लुछ्ने तिमी हौ
मानब भई ब्यवहार गर्न नसकेपछि
अहिले हावामा आँसु पुछ्ने तिमी हौ ।

३.
जवानीलाई तिमी बेचेर हैन साँचेर हेर
मनुष्यको चोला बरदान हो बाँचेर हेर
तिम्रो जवानीको पछि लाग्ने धेरै छन् यहाँ
जिन्दगी त केवल परिक्षा हो नि जाँचेर हेर ।