नेपाली सेनाद्वारा विद्यालयमा घेराबारको व्यवस्थापन

काभ्रे । धार्मिक ग्रन्थ स्वस्थानीमा वर्णन गरिए अनुसार पौरबन्दनमा पुग्दा सतिदेवीको दाहिने कान पतन भएको आजको धार्मिक स्थल पावन भूमि धनेश्वर मन्दिर परिसर वरिपरि नेपाली सेनाको कालीजंग गणका सेनानी राजेश कार्कीको कमानमा खटिएको नेपाली सेना, राष्ट्रिय सेवा दल र स्थानियहरुको सहभागितामा धनेश्वर मन्दिर परिसरमा कोभिडका कारण वर्षौ देखि अस्तव्यस्त रहेको फोहोर पन्छाइएको छ ।

नेपालीहरुको महान् चाड वडा दशैको सुरुवाती दिन घटस्थापनाको पावन अवसर पारेर सामाजिक दायित्व अन्र्तगत कालीजंग गण धुलिखेलको यो अनुकरणीय कदमको स्थानिय देखि नगर प्रमुख भिम न्यौपानेले समेत मुक्तकण्ठले सम्मान व्यक्त गरेका छन् । सरसफाई कार्र्यक्रम स्थलमा आइपुग्नुभएका नगर प्रमुख न्यौपानेले सरसफाई अभियानमा जुट्नु भएका सम्पूर्ण सहभागीहरुलाई धन्यवाद एवं शुभकामना दिँदै नेपाली सेनाले सामाजिक दायित्व अन्तर्गत पु¥याएको योगदानका बारेमा जति नै शब्द खर्चिए पनि अपुग्नै हुने प्रतिकृया दिनुभएको छ । पूर्व सेनानी कल्याणकारी फोकलपर्सन नरबहादुर थापा, बर्तमान फोकलपर्सन राजु सिग्देल लगायतका सौनिक अधिकृतहरुको समन्वयमा मन्दिर परिसर वरिपरि सरसफाई गरिएको छ ।

सोहि अवसरमा मन्दिर परिसरमा रहेको धनेश्वर महादेव आधारभूत विद्यालयलाई व्यवस्थित रुपमा अगाडी बढाउन घेराबारको जिम्मेवारी आफूहरुले लिएको सेनानी राजेश कार्कीले उक्त अवसरमा बताउनु भएको छ । स्मरण रहोस्, उक्त विद्यालय करिब दुई बर्ष सम्म विद्यार्थीविहिन अवस्थामा रहेको थियो । पनौती नगरपालिका र स्थानिय समाजसेवीहरुको अथक प्रयासबाट सुविधा सम्पन्न भवन सहित गत वर्षबाट झन्डै सयको हाराहारीमा बालवालिकाहरु अध्ययनरत उक्त विद्यालयले पुनः जिवन प्राप्त गरेकोमा नेपाली सेनाको तर्फबाट उक्त सहयोग गर्ने प्रतिबद्धता प्राप्त भएको कानून व्यवसायी एवं स्थानीय अग्रज कुमार थापाले उक्त अवसरमा बताउनु भएको छ ।

कालीजंग गणका सैनिकहरुद्वारा धनेश्वर महादेव परिसरमा सरसफाई गर्दैगर्दाको दृश्य ।

कालीजंग गणका सैनिकहरुद्वारा धनेश्वर महादेव परिसरमा सरसफाई गर्दैगर्दाको दृश्य ।

सरसफाई पछिको दृश्य ।