कृषि तथा पशुपंक्षीको क्षेत्रमा काभ्रेको भूमिका

काभ्रे । राजनीतिक रुपमा काभ्रेको उपस्थिति पछिल्लो समयमा केही चलायमान भएको पाइन्छ । पूर्वमन्त्री गोकुल बास्कोटाबाट सुरु भएको यो यात्रामा नेपाल सरकारका कृषि तथा पशुपंक्षी विकास मन्त्रालयमा स्वकीय सचिवको रुपमा काभ्रेली युवा सवर प्रजापतिको उपस्थितिले सबैमा आशाका तरंगहरु मौलाएका छन् ।
कृषि र पशु पालनको क्षेत्रमा अतुलनीय योगदान पु¥याउने जिल्लाको रुपमा चिनिएको काभ्रेले संघीय सरकारका कृषि तथा पशुपंक्षी विकास मन्त्रीको स्वकीय सचिवको जिम्मेवार पाउनुले किसानहरुमा उत्साह एवं आशाहरु तरंगित भएका छन् । विशेष गरी कृषिको क्षेत्र र पशुपंक्षीको क्षेत्रमा काभ्रे आफैंमा आत्मनिर्भर मात्र छैन, उसले सिंगो मुलुकको आवश्यकतालाई केही मात्रामा सहयोग पु¥याउँदै आएको छ । यस किसिमको नियुक्तिले यो अभियानमा अझ बल पुग्ने विश्वास काभ्रेली कृषि तथा पशुपंक्षी विकासमा समर्पित किसानहरुले लिएका छन् ।
यस किसिमको प्रवेशले आगामी यात्रामा युवाहरुलाई राजनीतिकप्रति लगाव पुग्ने विश्वास राखिएको छ । प्रजापति हिजोको दिनदेखि नै राजनीतिक एवं सामाजिक क्षेत्रमा आफूलाई अब्बल रुपमा प्रस्तुत गर्दै आएको परिणाम पनि आजको यो उपलब्धीलाई लिन सकिन्छ । निज प्रजापतिको यो आगमनले काभ्रेली किसानहरुप्रतिको आकर्षणमा उर्जा थप्ने विश्वास राजनीतिक वृत्तमा चर्चाको विषय बनेको छ । कृषि तथा पशुपंक्षी विकासको क्षेत्रमा यो यात्रा कोसेढुंगाको रुपमा स्थापित हुनेछ । प्रभातफेरि टिम प्रजापतिको यो यात्रामा साधुवाद राख्न चाहन्छ ।