साताका मुक्तक

मञ्जु सिग्देल, भैरहवा

१.
छोड्यो जीन्दगीले लगेर ठूलो भिरमा
टाढा भएपनि आशिर्वाद दिनु आमा शिरमा
रात दिन सम्झेरै बित्ने भयो मेरो
चित्त बुझाउनु पर्छ मात्र हेरेर तस्वीरमा ।

२.
मैले भनेको तिमीले मानेको भए
मेरो यो मनको कुरा जानेको भए
कुनै कुराको चिन्ता हुने थिएन सत्य
मलाई आफ्नै दिलको धड्कन ठानेको भए ।

३.
बरावरी हुन नसक्ने घटाउ र जोडहरु
उतारचढाव भैरहनि संघर्षका तोडहरु
कहिले पूर्ब कहिले पश्चिमको यात्रा जिन्दगीको
बुझ्नै नसकिने रहेछ जीवनका मोडहरु ।

४.
भन्थेउ सधैं तिमी यो मनको रानी हो
आज तिमीलाई सम्झिएर रुने बानी भो
पहिलो माया भयौ तिमी मेरो जीवनको
यहि छाप आज मेरो मनको निशानी भो ।

५.
बाँचुन्जेल सन्तानकै पीरले रुन्छिन् आमा
निस्वार्थ माया गर्ने महान हुन्छिन आमा
जति तारिफ गरेपनि कमै हुन्छ आमाको
सन्तानको तुच्छ वचन मीठो सुन्छिन् आमा ।