श्रमको पहिचान मात्र होइन, स्वरोजगारको न्यायोचित गन्तव्य हो टेलरिङ्ग व्यवसाय ः महासचिव वैदार

काभ्रे । स्वरोजगारको महत्वपूर्ण साधन भनेको पछिल्लो समय टेलरिङ्ग व्यवसाय भएको चर्चा गर्नुहुँदै काभ्रे उद्योग वाणिज्य संघका महासचिव रविन्द्र वैदारको कथन थियो– बेरोजगारको सहज अन्त्य भनेकै नेपालको सन्दर्भमा टेलरिङ्ग व्यवसाय भएको बताउनुभएको छ ।
आज आयोजित एक कार्यक्रममा सम्बोधन गर्ने क्रममा महासचिव वैदारको थप कथन थियो– श्रमको पहिचान मात्र होइन, स्वरोजगारको न्यायोचित गन्तव्य पनि टेलरिङ्ग व्यवसाय भएको छ । जसका कारण आज अधिकांश गृहिणीहरु आर्थिक रुपमा सक्षम समेत हुन पुग्नुभएको छ । कुनै परिवारमा एउटी महिला आर्थिक रुपले सबल हुनु भनेको सिंगो परिवार आर्थिक रुपमा सक्षम हुनु हो । त्यो परिवार सबल हुन्छ तब समाज आर्थिक रुपमा सम्मुनत हुँदै जान्छ र यसले समग्र मुलुकलाई समृद्धिको बाटोतर्फ अग्रसर गराउँछ । काम ठूलो, सानो भन्ने हुन्न, कामको सम्मान गरौं, तबमात्र स्वाभिमानका साथ जिउने आधार बन्छ । आज प्रत्येक घरमा सीपको विकास भएको छ भने त्यो टेलरिङ्गको विकास भएको छ । त्यसको सम्मान र पहिचान दिने दायित्व तपाईं हामी सबैको हो । अझ त्यसको संवद्र्धन र संरक्षणका लागि स्थानीय टेलरिङ्ग व्यवसायी संघको जिम्मेवारी उच्च रहने हुँदा त्यसमा आबद्ध व्यवसायीहरुले आफ्नो हकहितका पक्षमा गम्भीरतापूर्वक लिनुपर्ने महासचिव वैदारको तर्क थियो ।
काभ्रे उद्योग वाणिज्य संघ यस किसिमका स्वरोजगारमूलक संघ संस्थाहरुको स्थायित्वका लागि कुनै पनि योजना अगाडि सार्न पछि नपर्ने उद्घोष समेत महासचिव वैदारले उक्त कार्यक्रममा पछि पर्नु भएन ।