कोहि पनि बेरोजगार बस्नुपर्ने अवस्था आउने छैन ः अध्यक्ष वैद्य

काभ्रे । काभ्रे टेलरिङ्ग व्यवसायी संघका अध्यक्ष अनु वैद्यले स्थानीयस्तरमा टेलरिङ्ग व्यवसायप्रति आकर्षण बढेको चर्चा गर्नुहुँदै स्थानीय सरकारले थोरै मात्र चासो दिएर सहयोग पु¥याउने हो भने आफ्नो संस्थाको तर्फबाट एक घर एक रोजगार अगाडि लग्ने उद्घोष गर्नुभएको छ ।
यदि स्थानीय सरकारले सानो मात्र सहयोग पु¥याउने हो भने अहिले समस्याको रुपमा रहेको बेरोजगार सदाको लागि अन्त्य गर्न सकिने बताउनुभएको छ । यसका लागि सरोकारवाला निकायहरुको साथ र सहयोग आवश्यक रहने अध्यक्ष वैद्यको जिकिर थियो । जसरी अरबको खाँडीमा नेपाली युवाहरुले श्रम बेचिरहेका छन्, त्यो श्रम नेपाली भूमिमै खर्चिन सक्ने वातावरण सिर्जना गर्न सकियो भने दैनिक सयौं जना बन्द बाकसमा आउनुपर्ने पिडाबाट मुक्त हुन सकिने धारणा राख्नुभएको छ । श्रमको उचित मूल्यांकन गर्न सकियो भने टेलरिङ्ग व्यवसायले यो चरम समस्याको अन्त्य दिनेछ । यसका लागि सम्बन्धित पक्षले गम्भीरतापूर्वक लिन सकोस् भन्ने कामना व्यक्त गर्दै विदेशिएको श्रमबाट मुलुकको अर्थतन्त्रमा पारेको प्रभाव जो रेमिट्यान्सको रुपमा लिने गरिएको छ, त्यसलाई महत्व दिँदा कतिका काख रित्तिएका छन्, कतिको सिउँदो पुछिएको छ, त्यसतर्फ हामी पटक्कै गम्भीर हुन सकेनौं । जसले गर्दा आज मुलुकका कुनाकन्दराहरु उजाड हुँदै गएका छन् । यो जर्जर अवस्थाबाट मुलुकलाई माथि उठाउने माध्यम टाढा छैन । त्यसका लागि सरोकारवाला निकाय गम्भीर भइदियो भने त्यसका लागि हामी टेलरिङ्ग व्यवसायीहरु संकल्पित हुन पछि पर्ने छैनौं । साधन स्रोतको पर्याप्त सुविधा हुन हो भने वार्षिक रुपमा सयौंको घरमा स्वरोजगार जनशक्ति भित्रिने छ, जसले समृद्ध समाज र परिवार निर्माण गर्नेछ र प्रत्यक्ष, अप्रत्यक्ष रुपमा मुलुक आर्थिक रुपले सम्पन्न हुनेछ भन्नुहुँदै अध्यक्ष वैद्यको तर्क थियो– सम्बन्धित पक्षले यसतर्फ गम्भीरतापूर्वक लिनेछ भन्ने विश्वास व्यक्त गर्दै हामी व्यवसायीहरु पनि इमान्दारिपूर्वक आफ्नो पेशाप्रति समर्पित हुनुको विकल्प नरहेको धारणा राख्नुभएको छ ।