ओमीक्रोनको नाउमा शैक्षिक संस्थालाई निमोठ्ने कार्य बन्द गर

कोरोना भाईरसको नाउमा पटक पटक भएको लकडाउनले शैक्षिक क्षेत्र तहस नहस भएको छ । लगातार तीन बर्षसम्म शैक्षिक क्षेत्र बन्द हुंदा यो समयमा शिक्षा हासिल गरेका विद्यार्थीहरुले गुणस्तरिय शिक्षा हासिल गर्न सकेका छैनन् । सामान्यतया परिक्षाको आधारमा प्रमाणपत्र उलब्ध गराएर उत्रिर्णको उपाधि दिएपनि उनिहरुमा जे जति ज्ञान हुनुपर्ने थियो सो हुन सकेको छैन । तीन बर्षको अवधिमा शैक्षिकसंथाबाट जे जति जनशत्ति उत्पादन भयो सो उत्पादनले मुलुकमा साथै सेवा दिन सक्ने संभावना कमै रहेको छ । कोरोनाको महांमार िफैलन नदिने नाउमा पहिलो निसाना विद्यालयलाई गरिन्छ । बिद्यालय बन्द गराएर अनलाईन शिक्षाको नाउमा ठुलो धनरासि खर्च गर्दै विद्यार्थीहरुलाई मोवाईलतर्फ आकर्षण गराउने कार्य गरियो ।
अनलाईन शिक्षाको नाउमा जे जति खर्च गरियो सो बाट विद्यार्थीहरुमा खासै उपलब्धिहरु हुन सकेको छैन । जुन ढंगको शिक्षाबाट सुगम स्थानमा वसोवास गर्ने सुबिधा सम्पन्न परिवारका बालबालिकाले मात्रै केही मात्रामा शिक्षा हासिल गर्ने अवसर पाए । ग्रामिण बस्तिमा बसोवास गर्ने गरिविको रेखामुनि रहेका बालबालिका शिक्षाहासिल गर्ने अवसरबाट बञ्चित हुन पुगे । अवलाईन शिक्षाको नाउमा खर्च भएको करोडौं रकम दुरुपयोग भयो । जुन कार्यबाट कतिपयले दोहोरो ढंगबाट फाईदा असुल्दै मौकामा चौका हान्ने कार्य भयो । सम्बन्धित निकायले नेपालमा उत्पादन हुने शैक्षिक जनशक्ति सक्षम साथै गुणस्तरिय शिक्षा हासिल गरेको हुनुपर्छ भन्ने बिषयमा चासो दिनुको बदलामा विद्यालय बन्द गराउने कार्यलाई प्राथमिकता दिईयो ।
जव मुलुकमा कोरोना भाईरस संक्रमणले गति लिन्छ तब पहिलो निसाना विद्यालयलाई गरिन्छ । विद्यार्थीहरुलाई ठुलै हाउगुजि देखाएर बिद्यालयमा आउने वातावरण बन्द गरिन्छ । विद्यार्थीहरुलाई सहज साथै सुरक्षीत ढंगबाट शिक्षा हासिल गर्ने वातावरन बनाउनुको बदला दवाव दिएर विद्यालय बन्द गराउने कार्यले भविस्यका कर्णधार अन्धकार तर्फ धकेलिदै छन् । विद्यालय संञ्चालनको लागि कोही तयारी भएमा चौतर्फि ढंगबाट दवाव दिएर बन्द गर्न बाद्ध पार्ने गरेको छ । मु्लुकको कुनै एक कुनामा कोरोनको महामारी धेरै फैलिएको नाउमा देशैभरको शैक्षिक संस्था बन्द गर्नु सान्दर्भीक रहन्न । सिंहदरवारको अधिकार स्थानिय तहलाई भन्ने नारा छ तर व्यवहारमा छैन । कुनै स्थानिय तहमा कोरोना संक्रमण छंदै छैन भने सो स्थानिय तहमा रहेको विद्यालय केन्द्रिय सरकारको आदेसमा बन्द गर्नुपने कार्य भनेको केन्द्रिय सरकारको हस्तक्षेप हो ।
महामारी नफैलिएको स्थानिय तहमा विद्यालय संञ्चालन गर्ने अधिकार स्थानिय तहलाई हुन जरुरी रहन्छ । स्थानिय तहले अनुगमन साथै अध्ययन गरी विद्यालयहरु बन्द गर्ने वा संञ्चालन गर्ने अधिकारलाई हस्तक्षेप गर्नु राम्रो होईन । कुनै विद्यालय संञ्चालन भईरहेको छ भने उक्त विद्यालय संञ्चालनगर्नेलाई हौसला साथै सहयोग गर्नुको बदला स्थानिय तहमा रहेको शिक्षा शाखाले दवाव दिदै बन्द गराउने कार्यले नकारात्मक संकेत दिएको छ । तीन बर्षको अवधिमा शैक्षिक क्षेत्रलाई जुन ढंगबाट तहसनहस गराउने कार्य भयो त्यसले गर्दा भाविदिनमा नेपाललाई आवस्यक पर्ने शैक्षिक दक्ष जनशक्ति अन्तराष्ट्रबाट ल्याउनु पर्ने वातावरन हुनेमा दुईमत छैन ।