गजल

प्रकाश पाठक योगी

छन् छट्पटाउँदै ती आत्माहरू अनेकौं
देख्दैछु प्यारमा झन् बाधाहरू अनेकौं !!

जानेहरू हृदयमा भाला रोपेर जान्छन्
टालौं म के गरेर खाटाहरू अनेकौं ?!!

ए याद बुझ्न केही छाती चिरिन्छ सम्झी
नबढा हजार दिलमा चाहाहरू अनेकौं !!

केही कदम चलाई धावक बने नसम्झ
ढुंगामा जुध्न छन् पैतालाहरू अनेकौं !!

चाल्नुस् कदम सोचेर अबलाहरू सफरमा
भौतारिदै हिँडेछन् प्यासाहरू अनेकौं !!

लाचार जिन्दगीको टुंगो कहाँ हुने हो
झन् झन् थपिन्छ मनमा तीर्खाहरू अनेकौं !!