वडा नं. ४ को मात्र हैन, पनौती नगरकै जिम्मेवारी माओवादीलाई दिँदैछन् ः उपाध्यक्ष सुवाल

काभ्रे । नेपाल कम्युनिष्ट पार्टी माओवादी केन्द्र पनौती नगरपालिका वडा नं ४ वडा समितिले आयोजना गरेको वडा कार्यालय उद्घाटन कार्यक्रमलाई सम्बोधन गर्ने क्रममा नेकपा माओवादी केन्द्रका पनौती नगर उपाध्यक्ष एवं अखिल नेपाल महिला संघ क्रान्तिकारीका नगर अध्यक्ष सुशिला सुवालले उक्त भनाई राख्नुभएको हो ।
मंगलबार पनौती नगरको वडा नं. ४ स्थित ठाडोबाटोमा वडा कार्यालय स्थापना गर्ने क्रममा सुवालले अब एक पटक वडा र नगरका सबै पार्टी जिम्मेवार नेतृत्व र सदस्यहरू प्रतिबद्ध भएर लाग्ने हो भने स्थानिय निर्वाचनमा नगरपालिकामा माओवादी केन्द्रले जित्ने तथ्यांक सार्वजनिक गर्दै एमालेले वृद्ध भत्ताको एजेन्डा बाहेक अघि सार्ने कुनै एजेण्डा नभएको बताउनुभएको छ । सिंगो मुलुक माओवादी एजेण्डामा अगाडि बढिरहँदा हामी कार्यकर्ताहरुले जनताका माझ ति एजेण्डाहरुलाई स्थापित गर्नको लागि खेल्नुपर्ने भूमिकामा केही कमी कमजोरी हामीबाट भएकै हो । अब माओवादीका एजेण्डाहरु लिएर बस्ती–बस्ती जानुको विकल्प छैन । आदिवासी जनजाति, उपेक्षित वर्ग, दलित लगायतका वर्गहरुले आज जति पनि अधिकारहरु पाएका छन्, ति सबै कार्यकर्ता मर्न र मारिन तयार भएर आएका एजेण्डाहरु हुन् । ति एजेण्डाहरुको संरक्षण सबै माओवादी कार्यकर्ताहरुको दायित्वभित्र पर्छ । तसर्थ, राजनीतिक रुपमा संस्कार नभएको कुनै पार्टी छ भने त्यो एमाले हो भन्नुहुँदै हावादारी कुरा गरेर जनतालाई झुटको खेतीमा रुमलिन बाध्य पार्ने उसको चरित्रप्रति टिप्पणी राख्दै अब पनौतीमा एमालेको कुनै पनि अस्तित्व नरहने उद्घोष गर्नुभएको छ । त्यसैले १२ वटै वडाका आफ्ना कार्यकर्ताहरूलाई निर्वाचन पनि एउटा युद्ध भएकोले त्यसतर्फ दत्तचित्त भई लाग्न निर्देशन दिनुभएको छ ।
कार्यक्रममा विशेष अतिथि नेकपा माओवादी केन्द्रका नेता एवं प्रेस सेन्टर नेपाल काभ्रेका पूर्व अध्यक्ष रामकृष्ण बञ्जाराले पनौतीका जनता नेकपा एमाले र नेपाली कांग्रेसका तर्फबाट निर्वाचित जनप्रतिनिधिहरू पाँच वर्षे काम हेरिसकेको बताए । उहाँले विकास निर्माण र जनताका जनजिविकाका सवालमा सामान्य ध्यानसम्म नदिएकाले एमाले र कांग्रेसको कार्यकाल असफल भईसकेको अवस्था छ । अब पनौतीका जनताले माओवादीका उम्मेदवारलाई जिताएर सिंह दरबारको अधिकारलाई स्थापित गर्दै स्थानिय सरकार को अनुभुति गराउने छ भन्नुभएको छ । कार्यकर्ता पाल्ने बाहेक पनौती नगरका जनप्रतिनिधिले कुनै दीर्घकालिन महत्वको कार्य गर्न सकेका छैनन् । उहाँले पार्टीको स्प्रीड बिचार नै मुख्य मार्गदर्शन हुने हुँदा सबै एकजुट भएर आगामी निर्वाचनमा पनौती नगर माओवादीमय बनाउन अपिल समेत गरेका छन् ।
कार्यक्रममा नगर समिति सदस्य उत्तम बन्जाराले सबै जना मिलेर अगाडी बढे स्थानिय निर्वाचनमा वडा नं. ४ का मतदाताले माओवादीलाई विजयी गराउने जिकिर गरेका छन् ।
यसैगरी कार्यक्रममा नगर समितिका सदस्य बिनोद कार्की, सिर्जना परियार, नगर सदस्य एवं वाईसियल नेपालका नगर अध्यक्ष कमल बहादुर सापकोटा, नगर सदस्य एवं वाईसियल नेपाल वडा नं. ४ का अध्यक्ष सुदन बस्नेत, वडा समिति पुर्व ईन्चार्ज हरिशरण थापा, पुर्व अध्यक्ष शुदर्शन थापा लगायतको आतिथ्यता रहेको थियो ।
कार्यक्रमको अध्यक्षता वडा नं. ४ वडा समितिका अध्यक्ष शेखरमान श्रेष्ठले गरेका थिए भने संचालन नगर सदस्य एवं पार्टी वडा सचिव राजु सापकोटाले गर्नुभएको थियो ।