पालिकास्तरीय प्रेस सेन्टर काभ्रेको कमिटी गठन

काभ्रे । नेपाल कम्युनिष्ट पार्टी माओवादी केन्द्र निकट प्रेस सेन्टर काभ्रेको बेथाञ्चोक गाउँपालिकामा ११ सदस्यीय पालिकास्तरीय प्रेस सेन्टर कमिटी गठन भएको छ ।
माओवादी केन्द्र बेथाञ्चोक गाउँपालिका कमिटिकी अध्यक्ष तारा रानाको संयोजकत्व र प्रेस सेन्टर काभ्रेका उपाध्यक्ष नवराज अधिकारीको उपस्थितिमा कमिटी गठन गरिएको हो । ६ वटा वडा रहेको गाउँपालिकामा प्रत्येक वडाबाट एकएक जना पत्रकारको प्रतिनिधित्व हुनेगरी कमिटी गठन गरिएको छ ।
जसको अध्यक्षमा जीवन लामा, उपाध्यक्षमा सुनिल तिमल्सिना, महिला उपाध्यक्ष्यमा आरती तिमल्सिना, कोषाध्यक्षमा चित्र प्रसाद घिमिरे, सचिवमा मनिषा सापकोटा, सदस्यहरुमा निराजन तिमल्सिना, आकाश तामाङ, शान्ती भुजेल, कृतिका सापकोटा, सबिता तिमल्सिना र सुमित्रा तिमल्सिना चयन भएका छन् ।