सप्तरंगी साहित्य समाज नेपालको अध्यक्षमा भट्ट

काठमाडौं । सप्तरङ्गी साहित्य समाज नेपालको प्रथम अधिवेशन सम्पन्न भएको छ । अधिवेशनले अध्यक्षमा केशवराज भट्ट सागर सर्वसम्मत चयन भएका छन् ।
नेपाली भाषा, साहित्यको जर्गेना र संरक्षण गर्न अतुलनीय भुमिका खेलेका भट्ट २०७५ सालमा स्थापित सप्तरङ्गी साहित्य संस्थाको पुनः अध्यक्षमा नियुक्ति भएका हुन् । भर्चुअल कार्यक्रम मार्फत ९ जना केन्द्रीय कार्यसमिति सार्वजनिक भएको छ ।
जसको उपाध्यक्षद्वय मनिता बस्नेत, पूर्ण चन्द घिमिरे, महासचिव क्रान्ति अवस्थी, सचिव महेश दत्त पाण्डेय, सह सचिव उमा दाहाल, कोषाध्यक्ष प्रकृति भट्ट, सदस्यहरु सरू सिलवाल, डम्बर थामी “अनुपम” रहेका छन् ।