काग्रेश जित्नका लागि मेरो उम्मेदवारी ः नेता पसछें

काभ्रे । स्थानीय निर्वाचन जति जति नजिकिँदै छ उति उति चहलपहलको माहोलले गाउँबस्ती यति बेला तात्दै गएको आभास भेटिने क्रम ह्वात्तै बढेको छ ।

संघीयता पछिको दोस्रो स्थानीय निर्वाचनमा युवाको चासो पनि त्यतिकै बढेको छ । यसैबीच काभ्रे उद्योग वाणिज्य महासंघमा २४ वर्ष अनवरत रुपमा योगदान पु¥याएका व्यवसायी एवं उद्योगपति वर्तमान अध्यक्ष राजेन्द्र पसछेंले पनौती नगरमा नेतृत्व गर्ने इच्छा जाहेर गर्नु भएको छ ।

भेटका क्रममा आफू कुनै किसिमको लाभ लिनका लागि नगरको नेतृत्व लिन खोजेको नभई सम्भावना हँुदाहुँदै कांग्रेस विपक्षीमा खुम्चिनु उचित होइन, त्यसैले यो पटक कांग्रेस जित्नु छ, त्यसका लागि पनि नगर प्रमुखको टिकट आफूले पाउनुपर्ने दाबी गर्न पुगेको हुँ भन्नुहुन्छ युवा व्यवसायी पसछें । उहाँलाई आजै बसेको ७ नं. वडा पार्टी समितिले सर्वसम्मत रुपमा सिफारिस गरेर नगरमा पठाएको बताउनुभएको छ ।
यदि मैले अवसर पाएँ भने पनौती नगरमा मौलाएको अनियमितता, बेथिति, अपार्दर्शि जस्ता विकृति अन्तका लागी पनि मेरो आवश्यकता छ भन्ने मेरो ठम्याइ छ । पनौती नगरपालिकामा मौलाएको कुसंस्कारको अन्तका लागि पनि अवसर मिल्ने अपेक्षा राखेको छु ।

बिश्व सम्पदा सुचिमा सूचीकरण हुन लागेको एउटा गहनाका बारेमा नगर नेतृत्वले चासो नदिनु पनौती नगरबासी माथिको बेहिमानी हो । ५ बर्षको अवधिमा चर्चा गर्न लायक के गरे त ? खोज्नुस्, मेरो तपाईं माथी नै प्रश्न छ ।

छ, केही छैन यो अवस्थामा नेतृत्व कस्तो हुनुपर्छ मबाट सिकुन भन्न चाहन्छु । मेरो एउटै परिकल्पना छ समृद्ध पनौती नगर बनाउने । नगर भित्र मौलाएको अनियमितता अन्त गर्नु छ । आफुलाई कुनै किसिमको लोभ छैन । आफू पुर्खौं देखि ब्याबसायीक घरानाको भएकोले आफ्ना पुर्खाको धर्म मर्न दिने छैन । यो मेरो प्रतिबद्धता हो म नितान्त सामाजिक र मानबिय सेवाको साथै नगरको समृद्ध विकासका लागि समर्पित हुनेछु । मलाई कमाउनु छैन मेरा पुर्खाले नै जोहो गरिदिनु भएको छ ।
स्मरण रहोस् भोको पेटले सामाजिक, मानबिय सेवा हुन्न ? तर हाम्रो समस्या नै यहि छ । सामाजिक पदलाई लाभका रुपमा लिनु नै महा अपराध हो भन्ने मेरो बुझाइ छ । आज जति पनि बिकाशका नाउँमा अनियमितता भएका छन्, त्यो सबैको जड लालचा हो ! जबसम्म प्रत्येक नेतृत्व आर्थिक रुपमा सक्षम हुन्न तबसम्म भष्टाचार मौलाउनु ठूलो बिषय होइन ।
त्यस किसिमको अनियमितताको अन्तका लागि एकपटक अवसरको खोजिमा छु, भन्नुहुन्छ युवा व्यवसायी पसछें । आज यो या त्यो नाममा नितिगत भष्टाचार मौलाएको छ । देख्दा सानो लाग्ने बैठक भत्ता बर्षमा ३ सय ६५ हुनुपर्नेमा ७ सय ३० पुग्नु यो नितिगत भष्टाचार होइन ? यस्ता नितिगत भष्टाचारको अन्तका लागि पनि नगरमा मेरो उपस्थिति आवश्यक छ, त्यसैले पनि अवसरको खोजिमा छु, भन्न पछि पर्नु हुन्न पसछें । उहाँको उद्योग वाणिज्य संघमा आगमन पश्चात् काभ्रे उद्योग वाणिज्य महासंघले आमूल परिवर्तन गरेको व्यवसायीहरुको धारणा छ ।