हाम्रो यात्रामा निरन्तर छ, पाठकको मन जित्नु नै हाम्रो सफलता हो

प्रकाशकीय
आम शुभचिन्तक पाठकहरुको मायाले गर्दा हाम्रो यात्रा निरन्तर रुपमा अघि बढ्न सहज भएको छ । सामाजिक हितको खातिर “सामाजिक सचेतनाको लागि चेतनामुलक अभियान” भन्ने अभियानका साथ १७ बर्ष अगाडी हाम्रो यात्राको शुभारम्भ भएको थियो । आज हाम्रो यात्राको सुरुवाती भएको १७ औं बसन्त पार गर्दै १८ बर्षमा पाईला टेक्दै छौं । यसरी हामीले आफ्नो उद्देश्यलाई निरन्तर रुपमा अगाडी बढाउन सफल हुनुमा हाम्रा शुभचिन्तक पाठकहरुकै कारण हो ।
हाम्रो उद्देश्यलाई आत्मसाथ गर्दै शुभचिन्तक, शुभेच्छुक र बौद्धिक व्यक्तित्वहरुको साथ—सहयोगले गर्दा हामी हाम्रो बाटोमा निरन्तर रुपमा अगाडी बढ्न पाउनु नै हाम्रो गौरवको विषय हो । हाम्रा यति धेरै खुशी दिने आम पाठक बर्ग, शुभचिन्तक, बौद्धिक वर्ग, सहयोगी, बिज्ञापनदाता, सम्पूर्ण सरकारी तथा गैरसरकारी कार्यालय, विद्यालय, सहकारीहरु, राजनैतिक दलहरु लगायत सम्पुर्णप्रति आभार व्यक्त गर्दछौं । सामाजिक हितको खातिर हामी जुन उद्देश्यले अगाडी बढेका थियौं सो उद्देश्यलाई नविराईकन निरन्तर रुपमा अगाडी बढ्ने बाचा गर्दछौं । हाम्रो अथक प्रयासलाई निरन्तर रुपमा सहयोग गर्ने सम्पुर्ण शुभचिन्तक वर्गले देखाएको बाटोलाई आगामी दिनमा पनि निरन्तर अगाडी बढाउँदै जाने प्रण गर्दछौं ।
हाम्रो उद्देश्य अनुरुप पत्रिका प्रकाशनको शुरुवातबाटै “निष्पक्षताको” जुन कसीका साथ अगाडी बढेका छौं, त्यसलाई निरन्तरता दिँदै जाने छौं । आम पाठक वर्गलाई निष्पक्ष ढंगबाट यथार्थतालाई जस्ताको तस्तै सुचना दिँदै जाने क्रममा बिभिन्न आरोह–अवरोह नआएको होईन । हाम्रो उद्देश्यअनुसार बिगत लामो समयदेखि हामीलाई आम पाठकले जसरी निष्पक्षताको वाटो देखाएका छन् सोही मार्गलाई पहिल्याउंदै आगामी दिनमा पनि निरन्तरता दिने प्रण गर्दछौं ।
हालै निर्वाचित जनप्रतीनिधिले गरेका कार्यलाई नियाल्दै प्राथमिकता दिदै कुनै पनि स्वार्थ रहित ढंगबाट निष्पक्ष रुपबाट निरन्तर अगाडी बढ्ने आम पाठक एवं शुभचिन्तक साथै सहयोगी समक्ष वाचा गर्दछौं । आशा छ, हाम्रो पाईलाहरु अगाडी बढ्दै जाने क्रममा केही कमी कमजोरी हुन गएमा सुझावहरु दिनुहुनेछ । आम नागरिकको हित विपरित जो कोहीले पनि गरेका कमी कमजोरीहरुलाई पाठकसामु पु¥याउने प्रण गर्दछौं, यो पत्रकारिताको धर्म हो ।
हाम्रो यात्राको क्रममा दुई बर्षदेखि विश्वलाई नै आक्रान्त पार्ने कोभिड–१९ ले केही समस्याहरु ननिम्त्याएको होइन । तर पनि त्यस किसिमको चुनौतीलाई सामना गर्दै पाठकसामु हिजो जे थियौं आज पनि सोही निरन्तर रुपमा पस्किँदै आएका छौं । कोभिडको कारणले आम पाठकहरुको चाहना अनुसार हामी विगतको भन्दा अझ फड्को मार्दै अगाडी बढ्नुपर्ने हो तर केही हदमा महांमारीले गर्दा केही समस्या भएकै हो । तर जतिसुकै संकट आएता पनि पाठकहरुको अपार मायाले हामीलाई चुनौतीसँग सामना गर्ने हौसला मिलेको छ ।
हाम्रा कार्यलाई पाठकबाट पक्कै पनि सकारात्मक मूल्यांकन गर्नुहुनेछ भन्ने विश्वासका साथ हाम्रो अठारौं वर्षको यात्रा आजबाट सुरु गर्दैछौं । हाम्रो यात्राको सुरुवातीबाटै मुलुकमा विभिन्न खाले परिवर्तनहरु नआएका होईनन् । सो क्रममा हामीमाथी पनि निकै चुनौती पनि आएकै हुन् । तर जे जस्तोसुकै चुनौतीको विचबाट पनि हाम्रो यात्रालाई निरन्तरता दिदै अगाडी बढेका छौं । हालै मात्र सम्पन्न स्थानिय तहको निर्वाचनमा हामीले पस्कन सकेको निश्पक्षताले गर्दा आम पाठकहरुले माया गरेको आभास भएको छ । गणतन्त्रको जननीको रुपमा रहेको सञ्चार क्षेत्रलाई अझै परिष्कृत गर्दै अगाडि जाने उर्जा मिलेको छ । यो उर्जालाई आँच आउन दिइने छैनौं भन्ने प्रतिबद्धता आम पाठकमाझ राख्दछौं ।
आम पाठक तथा शुभचिन्तकहरुको सुझावको साथै सहयोगले गर्दा हामीलाई अगाडी बढ्न थप सहज भएको छ । नजिकिँदै गरेको संघिय निर्वाचनमा पनि निष्पक्ष ढंगबाट अगाडी बढ्ने प्रण गर्दछौं । आगामी दिनहरुमा विगत बर्षहरुको भन्दा पनि थप निखारता, निष्पक्षता, यथार्थता साथै विश्वसनियता लाई मध्यनजर राख्दै अगाडी बढ्दै आम शुभचिन्तक साथै पाठकहरु समक्ष उपस्थित हुने प्रण गर्दछौं । आशा छ हामीले आम पाठकबाट थप माया र हौसला पाउने छौं । आम पाठकको मन जित्न सक्नु नै हाम्रो सफलता ठान्दै अगाडी बढ्ने छौं ।