रामभक्त कोखको स्मरणमा कार्यक्रम

काभ्रे । रामभक्त कोख श्रेष्ठ स्मृति सिरपा प्रवन्ध समितिले बनेपास्थित अरनिको पार्टी प्यालेसमा रामभक्त कोख श्रेष्ठको स्मरणमा परिचयात्मक कार्यक्रमको आयोजना गरेको छ ।
प्रवन्ध समितिका अध्यक्ष हरिभक्त भोछिभोयाको सभापतित्वमा भएको उक्त कार्यक्रममा प्रा. भोला के.सी.ले शिक्षाक्षेत्रमा रामभक्त कोख श्रेष्ठले गरेको योगदान तथा प्रयासहरुबारे, प्रा.डा. उत्तमकृष्ण कर्माचार्यले विदेशी मित्रराष्ट्र र वैदेशिक संस्थाहरुसँग बनेपा नगरपालिकाको सम्बन्ध विकास र विस्तार गर्न रामभक्त कोख श्रेष्ठले गरेको योगदान र प्रयासहरुबारे मन्तव्य प्रकट गर्नुभएको थियो ।
उक्त कार्यक्रममा वरिष्ठ साहित्यकार मोहन दुवालले रामभक्त कोख श्रेष्ठको राजनैतिक र सामाजिक व्यक्तित्वबारे बोल्दै उहाँले भन्नुभयो — “राजनीतिले मलाई र रामभक्तलाई टाढा राखे तर शिक्षा र सामाजिक कार्यले हामीलाई नजिक तुल्याइदिएको” आफ्नो संस्मरण सुनाउनु भयो ।
उक्त परिचयात्मक कार्यक्रममा बनेपा नगरका प्रमुख शान्तिरत्न शाक्य र उपप्रमुख विमला सापकोटाले पनि रामभक्त कोखबारे आ–आफ्नो विचार राखेको उक्त कार्यक्रममा राजु सरकारले धन्यवाद ज्ञापन गर्नुभएको थियो ।