आयल निगमले घाटा सहेर पनि मूल्य समायोजन गर्नेछ ः कार्यकारी प्रमुख थानी

सन्दर्भ ः लायन्स क्लब अफ इन्टरनेशनल ३२५ आइ नेपाल पदस्थापन कार्यक्रम

काठमाडौं । लायन्स क्लबको सपथ ग्रहण तथा पदस्थापन कार्यक्रमलाई सम्बोधन गर्ने क्रममा नेपाल आयल निगमका कार्यकारी प्रमुख एवं कार्यक्रमका प्रमुख अतिथि उमेश प्रसाद थानीले उक्त भनाई राख्नुभएको हो ।
शनिबार काठमाडौंमा भएको कार्यक्रमलाई सम्बोधन गर्ने क्रममा कार्यक्रमका प्रमुख अतिथि थानीले इन्धनको मूल्य वृद्धिका कारण जुन महंगी बढेको छ, त्यसको समाधानका लागि आयल निगम नोक्सान व्यहोर्न तयार छ । अब छिट्टै मूल्य समायोजन हुनेछ । जसबाट निगमलाई घाटा होला । त्यता नजाऔं, नागरिकलाई सुविधा हुनु प¥यो । त्यसैले पनि घाटा खाएरै भए पनि इन्धनको मूल्य घटाउने बताउनुभएको छ ।
अब नेपाली नागरिकले खाडीको तेल होइन, स्वदेशमा उत्पादन भएको बिजुलीको भरपुर उपयोग गर्नुपर्छ भन्नुहुँदै अबको यात्रा इलेक्ट्रिक भेइकल प्रयोगमा जोड्न दिनुभयो । तब मात्रै महंगीको समस्या समाधान हुनेतर्फ इंकित गर्दै अब प्रत्येक भान्सामा इन्डक्सन चुलो बल्नुप¥यो भन्न पछि पर्नु भएन प्रमुख अतिथि थानी ।
सम्बोधनकै क्रममा प्रमुख अतिथि थानीले नेपालको राजनीतितर्फ इंकित गर्दै लायन्समा जसरी मुस्कान सहित पद हस्तान्तरण हुन्छ, त्यसको अनुशरण नेपालका राज नेतृत्वमा पनि हुन आवश्यक रहेको धारणा राख्नुभएको छ । यदि लायन्सको नीति पछ्याउन सक्यौं भने सम्वृद्ध नेपाल टाढा नरहेको प्रमुख अतिथि थानीको कथन छ । लायन्स यस्तो संस्था हो, जसले कुशल नेतृत्वको विकास गर्दछ भन्ने विश्वास आफूमा रहेको बताउनुभएको छ ।

कार्यक्रम डिष्ट्रिक ३२५ आइ नेपालका गभर्नर लायन राम बहादुर बस्यालले नवनिर्वाचित कार्यसमितिहरुलाई पदस्थापन गराउनुहुँदै लायनहरुले समाज रुपान्तरणमा महत्वपूर्ण भूमिका निभाउँदै आएका छन् । आगामी यात्रामा पनि अब्बल रुपमा प्रस्तुत हुने विश्वास व्यक्त गर्दै क्लबहरुलाई के गर्दा अब्बल बनाउन सकिन्छ, यहाँहरुले आफ्नो मातहतका क्लबहरुलाई चुस्तदुरुस्त र पारदर्शी ढंगबाट अगाडि बढाउनुहुनेछ भन्ने विश्वास आफूले लिएको बताउनुभएको छ । त्यसका लागि प्रत्येक लायन केन्द्रिकृत हुन आवश्यक छ । जसरी विगतमा ३२५ बि वान अब्बल सावित भएको थियो, त्यसरी नै ३२५ आइ पनि प्रत्येक लायनको मन मष्तिष्कमा स्थापित हुन आवश्यक छ । त्यसका लागि प्रत्येक लायन जिम्मेवारी हुनुपर्छ । तब मात्र लक्षित योजना पूरा हुनेछ । पहिला आफू बन्नुस्, क्लब बनाउनुस्, तब मात्र सम्वृद्ध डिष्ट्रिक्ट बन्नेछ । त्यसैले पर्मानेन्ट मेम्बर, मोडल क्लबको अवधारणा अगाडि ल्याइएको डिष्ट्रिक्ट गभर्नर लायन बस्यालले बताउनुभएको छ ।
यस डिष्ट्रिक्ट अन्तर्गत रहेका क्लबहरुको सपथ ग्रहण तथा पदस्थापन कार्यक्रम अन्तर्गत अन्तिम चरणको कार्यक्रमको दौरानमा डिष्ट्रिक्ट लिडरहरु अहिले काठमाडांैमा छन् । जिम्मेवारी सम्हालेको एक महिनामै उत्कृष्ट योगदान पु¥याउन सफल लायन लिडरहरुलाई डिष्ट्रिक्ट गभर्नर लायन बस्यालले विभिन्न विधामा तपसिल अनुसारका अवार्डद्वारा सम्मानित गर्नुभएको छ ।
जसमा लायन अफ द मन्थ जुलाइ लायन महेन्द्र कुमार राठी डिष्ट्रिक्ट कोअर्डिनेटर (लायन्स प्रोजेक्टस मेनेजमेन्ट), आइ विलिभ इन टिम वर्क अफ द मन्थ जुलाइ लायन सन्तोष कुमार श्रेष्ठ डिष्ट्रिक्ट चिफ (डिष्ट्रिक्ट बिल्डिङ्ग एण्ड ट्री प्लान्टेशन), रिजन चियरपर्सन अफ द मन्थ जुलाइ लायन धिरज श्रेष्ठ रिजन चियरपर्सन, जोन चियरपर्सन अफ द मन्थ (गण्डकी) जुलाइ लायन अर्जुन पौडेल जोन चियरपर्सन, जोन चियरपर्सन अफ द मन्थ (बाग्मती) जुलाइ लायन दामोदर केसी जोन चियरपर्सन, क्लब प्रेसिडेन्ट अफ द मन्थ (गण्डकी) जुलाइ लायन कृष्ण लम्साल प्रेसिडेन्ट, क्लब प्रेसिडेन्ट अफ द मन्थ (बाग्मती) जुलाइ लायन कमला गुरुङ्ग प्रेसिडेन्ट, क्लब अफ द मन्थ जुलाइ लायन्स क्लब अफ पोखरा अञ्जुली प्रेसिडेन्ट लायन निरा कोइराला, बेष्ट सर्भिस क्लब अफ द मन्थ (गण्डकी) जुलाइ लायन्स क्लब अफ म्याग्दी दोभान प्रेसिडेन्ट लायन कमला जिसी, बेष्ट सर्भिस क्लब अफ द मन्थ (बाग्मती) जुलाइ लायन्स क्लब अफ काठमाडौं सेवा अभियान प्रेसिडेन्ट लायन हुमकान्त न्यौपाने, बेस्ट सपोर्टिभ क्लब अफ द मन्थ जुलाइ लायन्स क्लब अफ लेखनाथ प्रेसिडेन्ट लायन तिलक शाली सापकोटा, माई क्लब पर्मानेन्ट क्लब अफ द मन्थ जुलाइ लायन्स क्लब अफ काठमाडौं अरनिको प्रेसिडेन्ट लायन प्रवेश अर्याल, मेम्बरशीप च्याम्पियन अफ द मन्थ जुलाइ लायन्स क्लब अफ काठमाडौं इन्द्रेश्वर प्रेसिडेन्ड लायन डायमण्ड थापा, इमर्जिङ्ग लायन अफ द मन्थ जुलाइ लायन रहमोहन सुवेदी प्रेसिडेन्ट सम्मानित हुनुभएको छ । सबैमा हाम्रो साधुवाद !