मतदाताहरुलाई उल्लासमय वातावरण निर्माण गर

मुलुकमा संघियता लागु भएपछिको दोस्रो प्रतिनिधि तथा प्रदेशसभाको निर्वाचन आगामी मंसिर ४ मा सम्पन्न हुँदैछ । नेपाली जनताहरुको वलिदान साथै ठुलो त्यागबाट हासिल लोकतान्त्रिक संविधानको रक्षाको साथै समृद्ध नेपाल निर्माणको लागि जिम्मेवारी प्रदान गर्ने अवसरको रुपमा निर्वाचन सम्पन्न हुँदैछ । राष्ट्रिय तथा अन्तराष्ट्रिय रुपमा नेपाली जनताको मुहारमा चमक साथै उच्च ढंगको हैसियत कायम राख्दै नेपालीको शिरलाई उच्च स्तरमा कायम गर्ने वातावरण निर्माणको लागि हुने मंसिर ४ को निर्वाचनमा उल्लासमय ढंगको सहभागिताको वातावरण निर्माण गर्न जरुरी रहन्छ ।
मुलुकमा आम परिवर्तनको लागि भएको १० बर्षे जनयुद्ध साथै दोस्रो जनआन्दोलनबाट हासिल उपलब्धिहरुको रक्षाको साथै संरक्षणको खातिर जिम्मेवारी प्रदान गर्ने यो महान अवसरलाई नेपाली जनताहरुले महान पर्वको रुपमा लिंदै सक्षम व्यक्तिलाई जिम्मेवारी प्रदान गर्ने वातावरणमा लामबद्ध हुन जरुरी रहन्छ । मुलुकमा राजनितिक परिवर्तनको खातिर लागेको लामो समयको कारण विकास निर्माणका कार्यहरुमा फड्को मार्न नसकेको र आगामी दिनहरुमा गुणस्तरिय विकास निर्माणको वातावरण निर्माण साथै नेपाली जनताहरुको मुलुकप्रतिको सकारात्मक आशालाई पुर्णताको लागि जिम्मेवारी प्रदान गर्ने दिनको रुपमा रहेको मंसिर ४ इतिहासकै महत्वपुर्ण दिनको रुपमा रहेको छ ।
मुलुकमा संघियता लागु भएपछिको पहिलो निर्वाचनबाट निर्वाचित जनप्रतिनिधिहरुले निति नियम निर्माण साथै नयाँ ढंगको योजना निर्माण्मै समय व्यतित भयो । दलहरुविचको राजनितिक खिचातानिले गर्दा मुलुकको हितको खातिर कार्य गर्न वातावरणमा अवरोध कायम भयो । आगामि निर्वाचनबाट नयाँ जनादेश हासिल गर्दै निर्वाचित नजप्रतिनिधिहरुले मुलुकमा भएको आमुल परिवर्तनका उपलब्धिहरुको रक्षा गर्दै संस्थागत गर्नुपर्ने साथै नेपाल र नेपाली जनताहरुको सकारात्मक चाहनाहरु पुर्ण गर्नुपर्ने भएकोले त्यस्ता सकारात्मक कार्यको जिम्मेवारी प्रदान गर्नुपर्ने नेतृत्व चयनमा नेपाली जनताहरुको उच्च सहभागिता अपरिहार्य रहन्छ । त्यसैले शान्ति सुरक्षाको मजवुत व्यवस्था गर्दै उल्लासमय ढंगको सहभागिताको लागि वातावरण निर्माण गर्ने कार्यमा सम्बन्धित पक्षको भूमिका रहन जरुरी छ ।