गजल

प्रकाश पाठक “योगी”, भरतपुर २३, चितवन
हाल ः– दोहा कतार

के गर्दैछौ तिमीले काज नयाँ नयाँ
सुन्दैछु अचेल मैले राज नयाँ नयाँ

परदेशमा छोराले बिरामी छु भन्छ
रुन्छ मन देखेर जहाज नयाँ नयाँ

आफ्नै प्रेमको भर बिश्वास नगरी
बदनामको लगायौ ताज नयाँ नयाँ

खै कस्को भर गरेर हिड्नु यहाँ म
भेटिए हरदम धोखेबाज नयाँ नयाँ

यो बस्ती पुरानो भनि छोड्नेहरुको
सुन्दर होला त्यो समाज नयाँ नयाँ

यी अधर चुमेको पहिले भुलेर हो र ?
सुहागरातमा देख्छु लाज नयाँ नयाँ

आचानो उहि हो अनि खुकुरी उहि
थियो प्रहार गर्ने अन्दाज नयाँ नयाँ