गजल

प्रविन मोक्तान
रामेछाप

अनगिन्ती सपनाका चाङ्हरु थियो पूरा नहुदा रोए
कर्म नगर्ने दिउसै सपना देख्ने जिउँदो मान्छे देखेर रोए ।।

घुम्दै जादा देउरालीको भट्टी पसलको जिन्दगी सम्झेर रोए
त्यो भन्दा बढी त भट्टी पसलको साहुनीलाई देखेर रोए ।

उजाड मरुभुमिमा सुन खोज्नेहरुको जिन्दगी सम्झेर रोए
अभाव पीडा भित्र नुन खोज्नेहरुको जिन्दगी सम्झेररोए।

देश परिबर्तनको नारा बोक्ने आदर्शवानलाइ सम्झेर रोए
कुरा बडि गर्ने काम नगर्नेहरुको व्यवहार देखेर रोए ।