गजल

प्रकाश पाठक “योगी”
भरतपुर २३ जगतपुर, चितवन नेपाल
हाल ः– दोहा कतार

दुई आत्माको सधैँ एउटै सफर होस्
पत्थरलाई पनि प्रेम गर्ने रहर होस् !!

नियतिले यस्तै लेखेर पठायो र पो
नत्र को चाहन्छ नदीमा बगर होस् ?

यो घाइते मुटु बोकेर मर्ने कि बाँच्ने ?
निष्ठुरीहरू सँग यो प्रश्नको उत्तर होस्

उनिसँग छुट्टिएर बाँच्नु परेको समय
यता कफन होस् उता चमर होस्

आमाको काखमा अन्तिम श्वास फेरुँ
काललाई एकछिन उठाउन डर होस्