पत्रकार सन्तोष देउजालाई धम्की

काठमाडौं/ समाचार सामग्री प्रकाशनको विषयलाई लिएर पत्रकार सन्तोष देउजालाई धम्की दिएकोमा प्रेस सेन्टर नेपालले विरोध जनाएको छ । प्रधानमन्त्री केपी शर्मा ओली उपस्थित संयुक्त राष्ट्रसंघीय ‘विकासका लागि वित्तसम्बन्धी चौथो अन्तर्राष्ट्रिय सम्मेलन’ मा सहभागी हुने बहानामा केही असम्बन्धित व्यक्ति स्पेन पुगेको समाचार सामाग्री सार्वजनिक गरेको विषयलाई लिएर प्रेस सेन्टर नेपालका केन्द्रीय सचिव देउजाले अडियोसहित कपुरबोट मिडियामार्फत उक्त खबर सार्वजनिक गर्नुभएको थियो ।

प्रेस सेन्टर नेपालका महासचिव मनोज घर्तीमगर विज्ञप्ती जारी गर्दै भनेका छन् – ‘समाचारप्रति प्रतिक्रिया स्वरूप सरकार पक्षका केही व्यक्तिहरूबाट भइरहेको सामाजिक सञ्जालमार्फत पत्रकार देउजालाई धम्की दिने, डरत्रास फैलाउने र विभिन्न लान्छनासहित चरित्र हत्या गर्ने जस्ता संविधान प्रदत्त प्रेस स्वतन्त्रता विपरीतका कार्यको प्रेस सेन्टर नेपाल घोर भत्र्सना गर्दछ । साथै, संगठनका सचिव देउजाको पूर्ण सुरक्षाको प्रत्याभूति गर्न सम्बन्धित पक्षहरूको ध्यानाकर्षण गराउँदछ ।’