गैर राजनीतिक सरकारबाट विकासका अपेक्षा राख्न सकिन्न : नगर प्रमुख वाइवा

काभ्रेपलाञ्चोक/ नेकपा एकीकृत समाजवादीका केन्द्रीय सदस्य एवं मण्डनदेउपुर नगरपालिकाका नगर प्रमुख टोक बहादुर वाइवाले गैर राजनीतिक सरकारबाट विकासको अपेक्षा राख्न नसकिने बताउनुभएको छ । सामाजिक क्षेत्रमा अब्बल गैर सरकारी संस्थाको रुपमा स्थापित समाजसेवा समूह कुन्ता काभ्रेको ३४ औं बार्षिक सभा तथा स्थापना दिवसलाई सम्बोधन गर्नेक्रममा वाइवाले गैर राजनीतिक सरकारले जनचाहना अनुसार काम गर्न नसक्ने बताउनु भएको हो ।

नगर प्रमुख वाइवाले जेनजी आन्दोलनको मर्म बिपरित सरकार गठन भएको समेत दावी गर्नुभएको छ । उहाँ भन्नुहुन्छ – ‘जेनजी आन्दोलनको मर्म बिपरित गठन भएको सरकारसंङ्ग तोकिएको मितिमा निर्वाचन बाहेक अरु अपेक्षा राख नसकिन्न । संबिधानको सर्वोच्चता, कानुनी राज्य, बिधिको शासनमा रहेर फाल्गुन २१ मा निर्वाचन सम्पन्न गर्न सक्नु नै यो सरकारको उच्च उपलब्धि मान्नु पर्छ । जहाँ सम्म समाज सेवा समुहको सवाल छ यो संस्थाको जति नै गुणगान गाए पनि अपुग रहन्छ यो संस्थाले समाज रुपान्तरण पुर्याएको योगदानको बारेमा भन्ने हो भने स्थानीय सरकारको अधिकार भन्दा बाहिर गएर भए पनि संस्थाले पुर्याएको योगदानको कदर गरेरै नविकरण लगाएतका सम्बन्ध बिकास गरिएको यथार्थ पस्कदै संस्थालाई जिवन्त दिनका लागि साझेदारी अन्तर्गत सहयोग गर्न नगरपालिका तयार रहेको स्पष्ट पार्दै केही कानुनी अड्चनका बाबजुद पनि संस्थाबाट प्रदान गरिएका सेवालाई निरन्तरता दिनुपर्छ भन्ने मान्यताका साथ हातेमालो गर्ने प्रतिबद्धता व्यक्त गर्नुहुदै प्रत्येक गैरसरकारी संस्था मात्र होइन सामुदायिक स्कुलहरुले पनि अक्षयकोष स्थापना गरेर अगाडि जान सके मात्र यस किसिमका संघ संस्था र सामुदायिक बिधालय चलायमान हुन सक्ने छ, त्यसका लागि फिप्टिफिप्टी साझेदारी गर्न नगरपालिका तयार भएको प्रष्ट पार्नु भएको छ ।’

कार्यक्रममा नगर उपप्रमुख बिष्णुमणि नेपालले समाजसेवा समूहले मण्डन देउपुरक्षेत्रको स्वास्थ्य सेवामा पुर्याएको योगदानको चर्चा गर्नुभएको थियो । उपप्रमुख नेपालले उक्त संस्थाले सुरुवातदेखिनै परदर्शी रुपमा संस्था अघि बढ्दै मुलुकमा राम्रो स्वास्थ्य सेवा नपाउने बेला प्रशुति सेवा सञ्चालन गरेर उल्लखनिय योगदान पुर्याएको बताउनुभयो । सामान्य स्वास्थ्य सेवा लिनका लागि पनि देशका प्रमुश शरहका अस्पताल धाउन पर्ने अवथामा रहेका बेला देउपुर, मण्डन लगायत सिन्धुपाल्चोकका धेरे क्षेत्रको स्वास्थ्य सेवा विशेषगरी प्रसुती स्वास्थ्य सेवा लिन जाने प्रमुख गन्तव्य बनाएको समाजसेवा समूहले गरेका योगदानको स्मरण गर्दै नेपालले आगामी दिनहरुमा पनि सेवाभावले सक्रिय रहिरहने आशा व्यक्त गर्नुभयो । उहाँले हिजो जतिबेला आवश्यक थियो त्यो बेला संस्थाले पु¥याउनुपर्ने योगदानमा कुनै कमी नराखेको बताउँदै पछिल्ला दिनहरुमा मुलुकको स्वास्थ्य क्षेत्रमा उल्लेख्य सुधार भएको र स्थानीय तहले समेत सेवा सञ्चालनमा ल्याएकाले सहज हुँदै गएको बताउनुभयो । नेपालले संस्थाले गर्दै आएका कामहरु नगरअस्पतालबाट हुन थालेकाले अब परिमार्जन सहित थप सेवा विस्तार गर्दै अघी बढ्नुपर्ने बताउनुभयो । उहाँले संस्थाको स्रोत व्यवस्थापन सहित अघि बढाउन नगरपालिका प्रतिबद्ध रहेको बताउँदै थप कायक्रमहरुकालागि सबै पक्षले छलफल गरेर अघि बढ्नुपर्ने बताउनुभयो ।

नेरेसो काभ्रे शाखाका सभापति देवेन्द्र भैल, सामाजिक ब्यक्तित्व भरत बिष्ट, संस्थाका पुर्व अध्यक्ष वर्तमान अध्यक्ष रत्न कुमार ठकुरी, नेपाली काग्रेंस मन्डनदेउपुर नगर सभापति कष्यप पौडेल लगायतले संस्थाले समाज रुपान्तरणमा पुर्याएको योगदानको चर्चा गर्दै सम्बोधन गर्नु भएको छ । कार्यक्रमको अध्यक्षता संस्थाका अध्यक्ष रत्न कुमार ठकुरीले गर्नु भएको थियो भने संचालन संस्थाका सचिव उद्दब प्रसाद पौडेलले गर्नु भएको थियो साधारणको बन्दसत्रले अध्यक्षको प्रतिवेदन, सचिवको प्रतिवेदन र कोषाध्यक्षको प्रतिवेदन पास गर्नुको साथै नेपाल परिवार नियोजन संघसङ्ग भएको सम्झौतालाई अनुमोदन गरेको छ ।

२०४८ सालमा स्थापना भएको समाजसेवा समूहले स्थापना कालदेखि स्वास्थ्य उपचारको क्षेत्रमा उल्लखनिय योगदान पुर्याउँदै आएको छ । संस्थाले प्राथमिक उपचार, प्रसुती सेवा संस्थाको कार्यालय कुन्तावेशीबाट उपलब्ध गराउँदै आएको छ भने एम्बुलेन्स सेवा समेत सञ्चालन गर्दै आएको छ । काभ्रेपलाञ्चोक जिल्लाको साविकका गैह्रिविसौना देउपुर, नयाँगाउँ देउपुर, बालुवापाटी देउपुर, महादेवस्थान मण्डन, चण्डेनी मण्डन, ज्याम्दी मण्डन, जैसीथोक मण्डन तथा सिन्धुपाल्चोक जिल्लाको भिमटार, सिपापोखरे, मेलम्ची क्षेत्रका नागरिकहरुले सेवा लिने गरेका थिए । संस्थाबाट सञ्चालित स्वास्थ्यकेन्द्रमा औलो, टाइफाइट लगायतको रोगको उपचार र रोमथाममा प्रमुख भूमिका समेत रहेको थियो ।