अमरज्याेती प्राविधिक विद्यालयमा लायन्सकाे “स्कुल सहयोग कार्यक्रम “

खरानिटार/ serve_lead_rise नाराको साथ अघि बढेको Lions Clubs International District 325 I, Nepal. ले काठमाडौं तारकेश्वरकाे आयोजनामा नुवाकोट जिल्लाको तादी गाउँपालिकामा शब्य र भब्य कार्यक्रम गरेर सहयोग सामाग्री बितरण गरेको छ ।

नुवाकोट जिल्लाको शैक्षिक क्षेत्रमा उत्कृष्ट योगदान पुर्याउन सफल खरानीटार स्थित अमरज्याेती प्राविधिक विद्यालयमा “स्कुल सहयोग कार्यक्रम ” अन्तरगत न्यानो कपडा, स्टेसनरी तथा खेलकुद सामाग्री वितरण, लायन्सको सक्कली पहिचान राखेको स्थानीयको प्रतिक्रिया छ ।”पढाउ अभियान अन्तरगत छात्रवृत्ति वितरण “गरिनुको साथै सोहि स्थानमा रहेको खरानीटार हस्पिटलमा बृहत स्वास्थ्य शिविर तथा रक्तदान कार्यक्रमलाई सम्बोधन गर्दै डिस्ट्रिक्ट गभर्नर लायन पार्वती खरेल पाण्डेले सहयोग दाताले खुल्ला हृदयले पुर्याएको अनुकरणीय योगदानको प्रशंसा गर्दै लायन्समा लाग्नेहरु समाजका नमुना बन्नसक्नु पर्छ जुन आज पुष्टि भएको छ प्रत्येक क्लबले यस किसिमका गतिविधि गर्ने हो भने जनस्तरबाट समाज रुपान्तरण हुने र जिम्मेवार नागरिक समाजले पाउने जिकिर पनि गभर्नर पाण्डे सम्बोधनका कृमम व्यक्त गर्नु भएको छ ।

साथै क्लबको तर्फबाट उत्कृष्ट कार्य गरेर नमुना पेश गर्नुभएकोमा क्लबका अध्यक्ष लायन सीता घले लगायत क्लबका सिङ्गो टिमलाई हार्दिक बधाई गर्दै आगामी यात्रा पनि अनुकरणीय हुने अपेक्षा समेत गर्नु भएको छ ।

झण्डै तीन दर्जन लायन अभियन्ताहरुको सहभागीता रहेको कार्यक्रम व्यवस्थापनका निम्ति सहजीकरण गरिदिनु हुने स्कुलका प्रधानाध्यापक सुरेन्द्र अधिकारी तथा स्कुल प्रशासन, तादी गाउँ पालिका प्रमुख आदरणीय सन्तमान तामाङ उपप्रमुख आदरणीय संजु प्याकुरेल श्रेष्ठ तथा गाउँ पालिका कार्यालय प्रशासन, खरानीटार हस्पिटल परिवार तथा सम्पूर्ण चिकित्सकहरुकाे टिम हार्दिक धन्यवाद को पात्र रहेको डिस्ट्रिक्ट चिफ अनुज कुमार श्रेष्ठले आफ्नो सम्बोधनको क्रममा व्यक्त गर्नु भएको छ ।

सहयोग अन्तरगत लायन्स क्लब इन्टरनेशनल फाउन्डेशनले नुवाकोटको शिवपुरी गाउँपालिकाको शिवपुरी आधारभूत अस्पताललाई एक करोड ७६ लाख २० हजार रुपैयाँबराबरको स्वास्थ्य सामग्री हस्तान्तरण गरेको हो ।

लायन्स क्लब इन्टरनेशनलका निवर्तमान निर्देशक बालकृष्ण बुर्लाकोटी, लायन्सको ‘डिस्ट्रिक्ट गभर्नर’ विनोद ढुंगाना र परियोजना संयोजक एवं ‘लायन्स क्लब अफ ओमकारका प्रेसिडेन्ट रामहरि सिलवालसहितको टोलीले गाउँपालिकाका अध्यक्ष गोविन्द थपलिया र उपाध्यक्ष वीरबहादुर तामाङलगायतलाई उक्त सामग्री हस्तान्तरण गरेको हो ।

शिवपुरी–५, चालिसेस्थित अस्पतालमा लायन्स क्लब अन्तर्राष्ट्रिय फाउन्डेशनका साथै ‘लायन्स क्लब अफ ओमकार’ र ‘लायन्स क्लब अफ मिडटाउन’को सहयोगमा संकलित सामग्री हस्तान्तरण गरिएको हो ।