जेष्ठ नागरिक सम्बन्धी बसुन्धराको प्रतिबद्धता : जेष्ठ नागरिकलाई सम्मानजनक, सुरक्षित र आत्मनिर्भर जीवनको सुनिश्चितताका लागि पहल गरिने

बनेपा/ आउने फागुन २१ गते हुने भएको निर्वाचनका लागि मतदातासंग उम्मेदवारको भेटघाट तथा घरदैलो कार्यक्रममा पुगेका वेला जेष्ठ नागरिकसंग भएको छलफल र कुराकानीका क्रममा गरिएका प्रतिबद्धता अनुसार नेपाली कम्युनिष्ट पार्टीका काभ्रेपलाञ्चोक प्रतिनिधि सभा सदस्य निर्वाचन क्षेत्र नं. २ का उम्मेदवार बसुन्धरा हुँमागाईले आफ्नो प्रतिबद्धता पत्रका आफ्नो आगामि योजनाहरुलाई सार्वजनिक गर्नुभएको छ ।
उम्मेदवार हुँमागाईले काभ्रेपालञ्चोकलाई समृद्ध, सुरक्षित र सम्मानजनक जिल्लाका रूपमा विकास गर्ने दृढ सङ्कल्पका साथ प्रतिनिधि सभा सदस्य निर्वाचन २०८२ का लागि आफ्नो प्रतिबद्धता पत्रमा जेष्ठ नागरिकलाई सम्मानजनक, सुरक्षित र आत्मनिर्भर जीवनको सुनिश्चितताका लागि पहल गर्ने जनाउनुभएको हो । जसअन्तर्गत सबै जेष्ठ नागरिकका लागि निःशुल्क तथा पहुँचयोग्य स्वास्थ्य सेवा र नियमित स्वास्थ्य परीक्षण, औषधोपचार, जाँच र उपचारमा विशेष सहुलियतको व्यवस्थाका लागि पहल गर्ने, जिल्ला र स्थानीय तहमा जेष्ठ नागरिक मैत्री स्वास्थ्य केन्द्र तथा सेवा विस्तारका लागि पहल गर्ने र जेष्ठ आउने फागुननागरिकमैत्री सार्वजनिक पूर्वाधार (¥याम्प, सुरक्षित बाटो, शौचालय, यातायात) निर्माणका लागि नीति तथा कानुनी प्रकृयाका लागि पहल गर्ने प्रतिबद्धा व्यक्त गर्नुभएको छ ।
त्यस्तै एक्ला, अशक्त र सहाराविहीन जेष्ठ नागरिकका लागि समुदायमा आधारित हेरचाह प्रणाली विकास, संरक्षण तथा हेरचाह कार्यक्रमका लगि पहल गर्ने, जेष्ठ नागरिकको ज्ञान, अनुभव र सिपलाई समाज र स्थानीय विकासमा उपयोग गर्ने नीतिका लागि प्रयास गर्ने र पारिवारिक तथा सामाजिक हिंसा, उपेक्षा र दुव्र्यवहार विरुद्ध कडा कानुनी संरक्षण तथा जेष्ठ नागरिकको सामाजिक सहभागिता, सम्मान र आत्मसम्मान अभिवृद्धि गर्ने कार्यक्रमका लागि पहल गर्ने हुँमागाईले आफ्नो प्रतिबद्धतापत्रमा उल्लेख गर्नुभएको छ ।